Në një tjetër prononcim për mediat, por kësaj here nga qyteti i Vlorës, ku tha se do të rrinte deri në fund të zgjedhjeve, kreu i shtetit dhe themeluesi i LSI-së Ilir Meta, u shpreh se më datë 26 prill Rama do nxirrte kartelën e psikiatrisë dhe do kërkonte rrethana lehtësuese për shkeljet e ligjit e të Kushtetutës, por halli qe për Gjiknurin, i cili nuk e ka një mënyrë të tillë mbrojtjeje.
Vlora është një vend i jashtëzakonshëm, që ofron mundësi të jashtëzakonshme, jo vetëm për turizëm kulturor dhe historik, po edhe për të sëmurët psiqiatrik, siç është kryeministri aktual, tha Meta, këshqu që në 26 prill, jam i sigurt që Vlora do bëj më të mirën për ta trajtuar në spitalin e saj psiqiatrik. Po nuk është ky problemi dhe shqetësimi, problemi dhe shqetësimi është të paralajmërojmë Damianin, i cili keqpërdoret dhe i cili nuk erdhi mbrëmë në darkën që kishim me gazetarët dhe zotin Leskaj, për të diskutuar për mbarëvajtjen e prcosesit zgjedhor në Vlorë, sepse kryeministri në detyrë ka një avantazh të madh, krahasuar me gjithe deputetët, ministrat, drejtorët, që i urdhëron të shkelin ligjin.Kryeministri në detyrë ka një kartelë të psiqiatrisë që nga koha e komunizmit, të cilën ua kam thënë para disa vitesh dhe po ua them edhe në Vlorë. Në datën 25 prill në darkë, kur Vlora dhe e gjithë Shqipëria të thotë fjalën e saj në mënyrë të jashtëzakonshme dhe plebishitare, ai do nxjerrë kartelën dhe do kërkojë mëshirë dhe rrethana lehtësuese, për të gjitha shkeljet e ligjit e të Kushtetutës që ka bërë këto 8 vite. Por Damiani nuk ka kartelë të tillë shëndetësore, as shumë ministra as shumë drejtorë, ndaj të bëjnë kujdes në këto dy javë që kanë mbetur, në mënyrë që të mos e rëndojnë më tej pozitën e tyre përpara drejtësisë.
