Në konferencën për shtyp të sapo mbajtur me gazetarët për çështjen e koncensionit të aeroportit Nënë Tereza, presidendi Meta ka thënë se deputetët duhet të bashkëpunojnë dënimin e kujtdo funksionari që vepron në shkelje më Kushtetutën, e që është rast flagrant i korrupsioniit legjislativ dhe kapjes së shtetit në vend.
Sikundër edhe paralajmërova dy ditë më parë, dje i përcolla edhe zyrtarisht Kuvendit të Shqipërisë, dekretin për kthimin për rishqyrtim të ligjit për ratifikimin e një marrëveshjeje të koncensionit për aeroportin ndërkombëtar “Nënë Tereza”, pasi ky ligji bie qartazi ndesh me parimet e mbrojtura nga Kushtetuta e Shqipërisë, anashkalon të gjithë kuadrin ligjor në fuqi dhe është një tjetër provë flagrante e korrupsionit legjislativ dhe kapjes së shtetit. Kuvendi duhet të kërkojë vënien përpara përgjegjësisë të çdo funksionari publik, që ka konsumuar shkelje të Kushtetutës dhe të ligjit, përgjatë procedurave të ndjekura të vlerësimit të propozimeve dhe negocimit, e deri tek hartimi e nënshkrimi i kontratës, dhe servirja për miratim me ligj të kësaj marrëveshjeje koncesionare, që haptazi është në interes të dëmit publik shtetëror dhe ndërkombëtar. I bëj thirrje çdo deputeti dhe çdo zyrtari të lartë, të reflektojë me shumë përgjegjësi mbi këtë nismë dhe të respektojë Kushtetutën e Shqipërisë dhe ligjet e vendit, që janë në zbatim të saj. […] Po ndaj me ju dhe opinionin publik, 43 faqet me argumentet ligjore për kthimin e kësaj nisme, me shpresën, por edhe me dëshirën, që të gjeni kohën e mjaftueshme për t’i lexuar, pa ngritur kartonin dhe ulur kokën, siç keni vepruar në shumë raste.
