Kryeministri i Hollandës Mark Rutte, ka lajmëruar shkuarjen në mënyrë të pashmangshme drejt një mbylljeje të dytë të Hollandws.
Është vendim i vështirë, mësohet të ketë thënë ai në daljen e tij publike, por Hollanda do të mbyllet sërish për një periudhë 5 javore.
Kur mbajta fjalimin e parë për koronavirusin, rreth nëntë muaj më parë, sinqerisht shpresoja që ai të ishte i fundit, por fatkeqësisht më duhet t’ju drejtohem prapw për të njëjtën gjë.
Në konferencën për shtyp tw një jave më parë, ju njoftova se jemi në udhëkryqq. Ju thashë se masat do të ashpërsoheshin edhe më, nëse numrat rriteshin. Dhe për fat të keq, që prej asaj kohe, ka ndodhur pikërisht kjo. Koronavirusi po përhapet më shpejt seç e kishim llogaritur dhe kjo është arsyeja pse Hollanda do mbyllet sërisht, të paktën për një periudhë pesë javore.
Kjo do të thotë që do të mbyllen të gjitha vendet ku njerëzit mblidhen në grupe, me disa përjashtime që janë të nevojshme për ta mbajtur shoqërinë në funksion. E tëra, ka për qëllim pakësimin e kontakteve ndërpersonale, sepse pa to, virusi nuk mund të përhapet.
[…] Ne si Kabinet e kuptojmë shumë mire, se sa i ndjeshëm dhe me ndikim është ky vendim që po marrim sot, sidomos pak para Krishtlindjeve. 2020-a ishte një vit pikëllimi, humbjesh dhe trishtimi për shumë njerëz, se ata humbën të dashurit e tyre prej koronavirusit, sepse ata u sëmurën dhe vetë e ende s’e kanë marrë veten, se shumë kanë humbur vendet e punës, për shkak se kompania është mbyllur…
[…] Të gjithë e ndjejmë dhe e kuptojmë se pas të tërës kësaj, nevoja për t’u mbledhur rreth pemës së Krishtlindjes, është më e madhe se kurrë. Dhe pikërisht për këtë, unë do doja t’ju kërkoja, brenda të gjitha kufizimeve, të mbani nën vëzhgim njerëzit që e kanë të vështirë, që janë të trishtuar, që janë vetëm. Vëmendja ndaj njeri-tjetrit na ndihmon ta kalojmë këtë periudhë të mjerueshme. Dhe unë e di shumë mirë që do ta kalojmë. Për shkak të vaksinës që po vjen, por edhe për shkak të rezistencës që po tregojmë së bashku.
