Emanuel Macron njeh Palestinën: “Ka ardhur koha…”

Emmanuel Macron ka njoftuar njohjen e shtetit palestinez nga Franca.
“Franca deklaron njohjen e Shtetit të Palestinës në interes të paqes”, tha presidenti francez në fjalimin e tij në Konferencën e Nivelit të Lartë mbi Zgjidhjen me Dy Shtete, që po zhvillohet aktualisht në OKB.
“Ka ardhur koha. Kjo është arsyeja pse, besnik ndaj angazhimit historik të vendit tim në Lindjen e Mesme, për paqen midis izraelitëve dhe palestinezëve, deklaroj se Franca njeh shtetin e Palestinës”, tha Macron.
Vendimi vjen pas atyre të Britanisë së Madhe, Kanadasë, Australisë dhe Portugalisë, të cilat e njohën zyrtarisht Shtetin e Palestinës të dielën, duke marrë kritika të forta nga Izraeli.