E njohur si një grua tejet e zonja, e cila ka rritur e vetme tri fëmijët e saj, Maye Musk, modele, dietologe dhe influencere, e po ashtu edhe e ëma e sipërmarrësit më të pasur në botë Elon Musk, 76 vjeç aktualisht, mund të bëhet këshilltarja e re e Donald Trump-it, për armën sekrete të Kinës. Nga të dhënat gruaja duket se adhurohet në këtë vend, për të cilin shprehet se e viziton “pothuajse çdo muaj”.
Vitin e kaluar ajo ishte ambasadore globale për kompaninë kineze të elektronikës “Oppo”, këtë vit për kompaninë e dyshekëve “AISE Baobao”.
Ajo ka sfiluar në pasarelë për markat kineze të modës dhe pak javë më parë prezantoi një markë kozmetike në Vuhan. Libri i saj “Një grua bën një plan” është bestseller në Kinë dhe e gjitha kjo duket vetëm fillimi, sepse Maye Musk po planifikon të lançojë markën e saj të mirëqenies në Pekin.
Rëndësia në rritje e grave mund të jetë e dobishme për djalin për dy arsye. Para së gjithash ka faktor personal komercial. Elon Musk dhe kompania e tij Tesla janë shumë të njohur në Kinë, megjithëse ka pasur një ftohje mes sipërmarrësit dhe Pekinit pas mbështetjes së Musk për fushatën zgjedhore të Donald Trump dhe lidhjet e shkëlqyera të Maye Musk me Tokën e Diellit, mund ta shërojnë këtë përçarje dhe mund të ndihmojnë Elon Musk – kreun e Departamentit të Efikasitetit të Qeverisë së administratës së ardhshme të Trump – për të parandaluar përkeqësimin e mëtejshëm të marrëdhënieve midis Kinës dhe Shteteve të Bashkuara.
