Ka kaluar në Francë mocioni i mosbesimit ndaj qeverisë së Barnerit. Mocioni u miratua mbrëmjen e sotme me 331 vota, shumë të tepër se 289 votat e nevojshme, njoftojnë agjencitë e lajmeve të huaja.
Presidenti i vendit Macron, ka njoftuar se do të flasë me kombin të enjten në mbrëmje, ndërkohë që i duhet të zgjedhë me shpejtësi një pasardhës të Barnerit. Ndërkaq e majta radikale i ka kërkuar Macronit të japë dorëheqjen.
Qeveria e Michel Barnier-it zgjati vetëm tri muaj: një mocion mosbesimi nga “e majta”, e votuar gjithashtu nga e djathta ekstreme e Marine Le Penit, u miratua me shumicë të madhe në Asamblenë Kombëtare. Ky është ekzekutivi i dytë i Republikës së Pestë, rrëzuar prej një mocioni mosbesimi, pas atij të Georges Pompidout në 1962-in.
