Deputetja e Partisë Demokratike Ina Zhupa ka regauar sa i takon disa shtesave të bëra në ligjin për zonat e mbrojtura, miratuar sot në Kuvendin e Shqipërisë. Sipas Zhupës, këto janë shtesa me porosi, të cilat shkatërrojnë edhe ato pak zona të mbrojtura që i kanë mbetur Shqipërisë.
“Sot në seancën plenare kaloi një ligj që është përfundimisht shkatërrimit i zonave të mbrojtura në Shqipëri, tha Zhupa në fjalën e saj përpara mediave. “Kaloi një ligj që përfundimisht është masakër mjedisore e këtij vendi dhe një ligj klientelist i bërë posacërisht për oligarkë të caktuar të qeverisë Rama. Ky ligj nuk bën asgjë tjetër vetëm heq mbrojtjen e zonave të mbrojtura, i bën ato sheshe ndërtimi dhe sheshe ku mund të kryhet investime strategjike, sipas kontratave ku do të firmosin fap e fap me kryeministrin Rama dhe shoqëria civile është shprehur kundër. Ne, në emët të Partisë Demokratike kemi qenë kundër, jemi kundër dhe do të bëjmë çdo përpjekje për ta shmangur, duke nisur nga Presidenti i republikës, më pas në gjykatë kushtetuese, në cilatdo që të jenë hapat për të ndjekur ndalimin e kësaj masakre mjedisore. Duhet thënë që Bashkimi Evropian ka reaguar, duke thënë se ky ligj është në kundërshtim me marrëveshjen e asocim-stabilizimit, është në kundërshtim me marrëveshjen e atyre që duhet të plotësojmë për të hapur procesin e negociatave, është në kundërshtim me disa nga konventat, që Shqipëria ka firmosur dhe është pjesë, që nga konventa e Bernës, tek konventa për mbrojtjen e konservimin e natyrës dhe është një ligj me porosi. Faktin që është me porosi mund ta shikoni tek fakti që projekti Divjakë-Karavasta është bërë gati për t’u ndërtuar në një zonë të mbrojtur, ndërkohë që zonat e mbrojtura ishin të ndaluara për të ndërtuar. Pra dikush ka pasur sigurinë nga Edi Rama se aty mund të ndërtonte, se përndryshe nuk do t’I hidhte paratë nëpër projekte.
Dua t’ju bëj me dije një paradoks: sot nëse pret një pemë në pyll ti dënohesh, nëse ti vret një kafshë të egër, me moratoriumin e gjuetisë, ti dënohesh, por nëse ti shkon sot e ndërton në mes të zonave të mbrojtura, ku pret pafund pyje dhe vret pafund kafshë, ti quhesh investitor strategjik”, tha mes të tjerave në fjalën e saj Zhupa.
