Sapo ka ardhur në shqip një prej teksteve bazë që shpjegon propagandën dhe rolin e medias në formësim/ndryshimin e opinionit publik: Fabrikimi i Bindjes përmes politikave të medies, titullohet libri i shkruar prej dy studiuesëve Noam Chomsky dhe Edward S. Herman, publikuar në fakt për herë të parë 1988-n, duke ngjallur jo pak reagime për kohën.
Si Herman, ashtu dhe Chomsky janë shumë të njohur për kritikën e tyre ndaj medieve, dhe në këtë tekst, sjellin rolin që luan media në fabrimin e bindjeve në opinionin publik. “Në një vend demokratik, pavarësia dhe liria e shprehjes duhet të jenë cilësi bazë të gazetave dhe tërë medieve. Në të vërtetë, realiteti është një tjetër’’, thonë ata në këtë libër. “Janë forcat ekonomike dhe politike, ato që vendosin se cilat lajme duhet të shkojnë tek publiku, dhe në ç’mënyrë”.
Përmes këtij studimi, Noam Chomsky dhe Edward S. Herman, zbulojnë se si, përmes manipulimit të lajmeve, opinioni publik shtyhet të mbështesë interesa dhe këndvështrime të caktuara, duke na ofruar kështu një analizë tejet interesante, mbi se si dhe sa, janë të instrumentalizuara mediet në përgjithësi, si dhe çelësat për të interpretuar mesazhet që na vijnë prej tyre.
E pra, kush dëshiron të dijë më tepër për mediat dhe propagandën, “Fabrikimi i bindjes…” hyn tek tekstet bazë.
