Prej ditësh deputeti Erion Brace ka ngritur shqetësimin mbi produktet bujqësore në zoënë e Myzeqësë dhe motivin se përse shumica e prodhimeve të stinës kalben nëpër fusha.
Në vëzhgimet e bëra prej deputetit socialist, pikat e grumbullimit ngritur me paratë e AZHBR-së, që në fakt duhej t’u shërbenin të gjithë prodhuesëve të zonës, u shërbejnë vetëm prodhimeve të veta, duke u bërë kështu pika grumbullimi dhe shitjeje vetëm të produkteve të veta, e duke lënë në mëshirë të fatit prodhimet e të tjerëve.
Ja pse bërtas unë, shkruan Brace, teksa publikon kamionat që ngarkohen me shalqi. Tërbuf, poshtë Grabianit.
Në fushë, dje-nga mëngjesi në drekë;
Unë: i kujt është shalqini?
Punëtori: i të zotit!
Unë: për kë po grumbullon?
Punëtori: për vete!
Unë: po kush është ky që po grumbullon për vete?
Punëtori: po ku di unë Erion, unë punëtor jam.
Unë: po mirë, shyqyr po vilni, tu vej mbarë!
Në drekë;
Unë: u lodhët!
Punëtori tjetër: po pak, shyqyr është më freskët sot.
Unë: erdhi i zoti?
Punëtori: jo, erdhi makina, do ngarkojmë tani.
Unë shoh makinën dhe emrat në të: lëre, lëre, e kam të qartë tani.
Si thashë në Kuvend: grumbulluesit janë bëre edhe prodhues të shalqinit, prodhojnë vetë në Tërbuf dhe nuk grumbullojnë prej ditësh as në Cermë, as në Bicukas, as në Sulzotaj, as në Imshte, as në Eskaj, as në Gjonas!
Po shesin shalqinin e tyre! Nuk humbin asnjë qindarkë si prodhues, sic bujku që ju shet nën kosto shalqinin, “sipas lojës” që këta udhëheqin!
Jo, konkretisht ky prodhuesi i Terbufit po eksporton me 30 cent të euros! E kuptoni sa shumë po fiton? Ta kishte ngritur vetë pikën e grumbullimit, magazinën e frigoriferët, patjetër që nuk do bëja zë. Por ia ka ngritur AZHBR, me parate e taksave edhe të bujqve!
Në një kontrate mizerabël, që nuk ka asnjë detyrim për ta, në raport me bujqit!
Kjo është e padrejtë! Ndaj bërtas unë!, shkruan Brace.
Më herët deputeti i PS-së ngriti shqetësimin e shitjes së shalqirit, duke i ftuar të tërë ta blinin prodhimin në vend, ku cilësia dhe cmimi janë shumë herë më të mira se kudo tjetër.
