Në takimin me kreun e qeverisë një prej importuesëve të vajit deklaroi se situata problematike me vajin dhe me cmimet e ngritura të tij do të vazhdojë. Në këndvështrimin e importuesit, qeveria duhet të mendojë të krijojë rezerva për një kohë të gjatë, për shkak, sic deklaroi ai, Ukraina e cila mbulon rreth 80 % të këtij produkti bashkë me Rusinë, nuk kanë mundur të mbjellin gjë këtë mars për shkak të luftës, e si pasojë nuk do të mund të prodhojnë dot gjë në vijim.
Sa i përket vajit, u shpreh importuesi i vajit, do të doja t’ju shpjegoja, të gjithë jemi sot në dijeni që dy vendet që sot ndodhen në konflikt, Ukraina dhe Rusia, mbulojnë 80% të prodhimit të vajit, dhe me atë 20% që ka mbetur jashtë, vështirë të prodhohen nevojat. Kuptohet, nuk mund të themi që kjo rezervë vaji që këto dy vende disponojnë, do të ngelet atje apo do të shkatërrohet nga lufta, patjetër që kjo do të vihet në dizpozicion, por kemi një problematikë tjetër nga lufta. Dihet që prodhimi i farës së lulediellit relizohet gjatë muajit mars, mbjellja e farës, dhe kjo gjë, në Ukrainë, që plotëson 44% të vajit botëror, nuk po ndodh për arsyet që i dimë. Pra promblematika e vajit do të jetë diçka që o të vazhdojë, dhe këto cmime nuk janë cmime të cilat referohen nga prodhuesit dhe ambalazhuesit shqiptarë, patjetër që janë prodhim i pastër importi.
Ajo që mund të themi që iniciativa që ka marrë qeveria shqiptare për kreditimin e shoqërive që merren me importin e vajit është tejet e rëndësishme, sepse gjykojmë që është e vetmja industri që duhet të krijojë rezervat më të mëdha, krahasuar me atë që ndodh me fushat e tjera. Mos të harrojmë në që fushën e drithrave, Rusia dhe Ukraina përfaqësojnë 20-24 % të prodhimit botëror. Ndërsa në rastin e 80% ne duhet ta krijojmë sa më shpejtë këtë rezerve, dhe ndoshta pak më afat gjatë. Pse? Sepse duhet të gjykojnë që edhe pritshmëria e prodhimit, në rastin e grurit dhe të misrit, mbjelljet realizohen në muajin nëntor- dhjetor, pra ata e kanë të mbjellë, kurse në rastin e farës së lulediellit, nuk kemi produkt për tetorin e ardhshëm, nuk ka ca korr Ukraina. Pra duhet që kjo rezervë të krijohet për një afat më të gjatë.
Sa u takon çmimeve të larta të vajit, importuesi u shpreh se kjo situatë nuk është vetëm në Shqipëri, e se tërë Evropa i ka ngritur apo ka bllokuar eksportet e vajit.
Dua t’ju them edhe diçka tjetër, sqaroi importuesi i vajit, diksutohet përsëri, se është e njëjta linjë si me situatën miellit, që çmimi i vajit në Evropë janë shumë më të lira. Absolutisht nuk diskutohet. Cmimet e vajit në Greqi, varion nga 4.5 në 5 euro, e njëjta gjë është në Itali, në Gjermani është kufiuar shitja e vajit të lulediellit, vetëm një litër për frymë, dhe e njëjta gjë ndodh edhe në Francë, po ashtu Italia ka bllokuar cdo lloj eksporti të vajrave, ullirit, misrit, etj, pra kemi një situatë vërtetë të vështirë.
