Ivanka Trump ka deklaruar se ajo dhe Jared po zhvillojnë një ishull privat në brigjet e Shqipërisë.
Duke folur në podcastin e David Senrës të dielën (31 maj), 44-vjeçarja zbuloi se çifti po e shndërron ishullin e Sazanit në brigjet e Shqipërisë në një eko-resort luksoz me ndihmën e “disa prej arkitektëve më të mëdhenj të kohës sonë”.
Ajo tha se e zbuloi për herë të parë ishullin prej 1,400 hektarësh ndërsa notonte nga varka e një miku.
“Ne zhvilluam mundësinë për të ndihmuar në realizimin e potencialit të tij dhe për ta transformuar atë, por me shumë vetëpërmbajtje dhe kujdes, sepse toka është kaq e bukur”, u shpreh ajo.
E teksa kryeministri i Shqipërisë, Edi Rama, i ka dhënë mbështetjen e tij projektit, ai është përballur me reagime negative dhe protesta të shumta, jo vetëm nga grupet mjedisore, por edhe nga popullata shqiptare.