Një skenë shqetësuese dhe e dhimbshme është shfaqur në ekranin e Fax Televizion, nga protestat që po zhvillohen në vend për hir të ngritjes së çmimit të karburantit.
Nga pamjet e transmetuara prej këtij televizioni, vihen re tri-katër policë civilë, që tërheqin zvarrë një të ri, për ta futur në makinën e policisë, ndërkohë që ai kundërshton duke thënë nuk bëra asgjë, e se më kanë rënë celulari dhe portofoli.
Pavarësisht këmbënguljes së djaloshit, i cili nuk po sulmonte policët, as ndokënd a gjësendi pranë, veprime këto që do të justifikonin në një farë mënyre sjelljen e ashpër të policave civilë), e po ashtu edhe disa policëve me gjasa të qarkullimit, të cilët ndërhynë duke u thënë kolegëve “prisni të qetësohet dhe qetësohuni”, sërish trupat civilë të policisë nuk ndalën së e tërhequri zvarrë djaloshin, e duke e ngritur peshë madje nga këmbët e duart, për ta futur në makinën e policisë.
Aq e rëndë ishte skena, saqë prej fjalëve të një prej policëve, kuptojmë se edhe për vetë policët, kjo sjellje cilësohet si jo normale prej Policisë së Shtetit me protestuesit, të cilët janë në të drejtën e tyre të protestojnë për cfarë nuk janë dakord në këtë vend, me kusht moslëndimin e ambienteve e njerëzve përreth, që, nga pamjet e transmetuara nga Fax Tv, djaloshi i tërhequr nga civilët, duket se nuk po i kryen.
Sa më poshtë video:
