Kandidati i Partisë Socialiste Rakip Suli ka fituar një mandat të dytë në Kamëz. Lajmin e fitores e bënë me dije përfaqësuesit e kësaj bashkie, Erjon Veliaj, Lindita Nikolla dhe vetë Rakip Suli.
Në fjalën e tij përshëndetëse, Suli tha se njerëzit kishin vlerësuar rrugët, kopshtet, shkollat e se ai gjatë mandatit të tij të parë nuk kishte bërë dallime në të majtë e të djathtë por i kishte trajtuar të gjithë njësoj, një filozofi qeverisëse kjo, që premtoi ta ndiqte edhe në këtë mandat të dytë të sapo fituar.