Janë mbushur plot pesë vjet nga ndarja nga jeta e këngëtarit të famshëm anglez David Bowie, ditë në të cilën, grupi po aq i famshëm Duran-Duran, e ka përkujtuar përmes shfaqes Just for one day.
Banda e nderoi legjendën e ndjerë për atë që do të ishte në fakt ditëlindja e shtatëdhjetë e katër e tij, duke sjellë dhe një herë për publikun, një prej koverave të tij më të njohur, atë të Five Years.
Jeta ime si adoleshent është vërtitur e tëra rreth Dawid Bowie-t, është shprehur Simon Le Bon, këngëtari kryesor i Duran-Duran. Ai është motivi përse unë nisa të shkruaja këngë. Një pjesë e imja nuk arrin ta besojë ende ndarjen e tij nga jeta pesë vite të shkuara, por kjo mbase ngase tek unë është një pjesë ku ai është ende gjallë, dhe do të jetë përgjithmonë.
Këngëtari i famshëm David Bowie u nda nga kjo jetë në 2016-n, duke lënë pas një trashëgimi muzikore që me gjasa do rrojë gjatë në fondin universal të muzikës rrok në botë.