Ministria e Shëndetësisë vietnameze, ka deklaruar se ka zbuluar një variant të ri koronavirusi, i cili, sipas saj, i ngjason një hibridi të dy varianteve, atij britanikut dhe indianit, të dyja variante tejet të transmetueshme.
Edhe pse vendi aziatik ka rezultuar gjatë kohës së pandemisë si një nga vendet që e menxhoi më me sukses përhapjen e covid-19, duke instaluar në aeroporte një sistem të fortë kontrolli, së fundmi ka njohur një shtim të infektimeve me covid-19.
Organizata Botërore e Shëndetësisë, ka deklaruar se grupi i saj i punës mbi evoluimin e virusit, po punon me funksionarët në Vietnam, për të konfirmuar variantin e ri të mundshëm të koronavirusit. Kjo pasi katër persona janë konfirmuar të infektuar prej një varianti të ri të mundshëm.