Kreu i qeverisë Rama ka ritheksuar edhe një herë se Ballkani i Hapur është një nismë që mbështetet si nga Komisioni Europian e po ashtu edhe nga SHBA, dhe çon përpara ata që është diskutuar e stërdiskutuar në procesin e Berlinit.
Mes të të tjerave ai theksoi se marrëveshjet e nënshkruara ditën e sotme, ajo për tregun e lirë të punës, për sistemin elektronik të shërbimeve, marrëveshja për eksport-importin e produkteve blektorale e i kafshëve të gjalla, kanë si qëllim fuqizimin e katër lirive të BE-së, atë të lëvizjes së lirë të njerëzve, mallërave dhe kapitaleve.
Më vjen mirë të informoj publikun që kemi nënshkruar një sërë marrëveshjesh, frut i një pune të përbashkët intensive, tha mes të tjerave Rama. Këto marrëveshje të firmoura sot, janë të prekshme që me fillimin e vitit të ri 2022. Marrëveshja për tregun e lirë të punës, e cila sanksionon mundësinë dhe të drejtën e qytetarëve të të trija vendeve, për të pasur akses të menjëhershëm dhe të barabartë për lejet e punës dhe të qendrimit, marrëveshja për sistemin e integruar elektronik të shërbimeve, e cila i hap rrugën krijimit të një sistemi të përbashkët elektronik, për t’ju dhënë mundësi të gjithë qytetarëve që duan të marrin shërbime të caktuara, duke filluar që nga aplikmet për t’u rregjistuar, e me radhë, që ta bëjnë këtë pa lëvizur nga shtëpia, apo nga vendndodhja e tyre, përmes smartfonit dhe kompjuterit më të afërt, si dhe marrëveshjet në bllok, për t’i hapur më në fund rrugën të gjithë atyre që prej vitesh ndërveprojnë mes këtyre vendeve si prodhues, si eksportues, importues produktesh, dhe që kanë histori të vështirë pritjesh, radhash, verifikimesh e me radhë, duke bërë të mundur që nga janari i vitit të ardhshëm, të kalojnë lirisht në kufijtë e doganat respektive, pa pasur nevojë që të sigurojnë 3 herë të njëjtat dokumenta, kur vjen puna për të gjitha ato produkte që lidhen me import- eksportin.
Falë këtyre marrëveshjeve, tha Rama,çelet për herë të parë eksporti i produkteve blektorale, ku përfshihet dhe ai i kafshëve të gjalla, me besimin reciprok të autoriteteve kompetente homologe, që në këtë rast për tregtuesin funksionojnë si një. Është një lajm shumë i mirë për ata që punojnë në fushën e prodhimeve blektorale dhe të prodhimit të mishit, sepse nuk mund ta bëjë këtë asnjë nga tanët në vendet e BE ende, e ndërkohë, të gjithë këta prodhues në të gjitha vendet tona, janë super të interesuar për tregje të reja dhe të gjitha këto janë marrëveshje të cilat janë as më shumë e as më pak por marrëveshjet e tregut të përbashkët, mes vendeve të anëtarëve të BE, bazuar në të gjitha parimet e ato nevoja të fermerëve dhe të tregut e përbashkët rajonal, i cili përdoret si alibi kundër Ballkanit të Hapur, por që në fakt mund të realiozhet vetëm përmes Ballkanit të Hapur.
Ballkan i Hapur është një nismë që shtyn përpara atë që është diskutuar e stërdiskutuar çka është në procesin e Berilinit, çka është dakordësuar në zinxhirin e samiteve të këtij procesi dhe asnjëherë nuk është realizuar. Ballkani i Hapur është një njësi zbatimi e procesit të Berlinit. Sot po ashtu ishte e qartë, e thënë nga Komisioneri Europian për zgjerimin, se KE e mbështet plotësish nismën e Ballkanit të Hapur dhe fton 3 vendet e tjera t’i bashkohen. E nëse e vutë re Komisioneri nënvizoi me keqardhje dështimin e tregut të përbashkët, si një proces i cili u ndërtua bazuar tek konsensusi. Ne duam të ecim sa më shpejt të jetë e mundur dhe kjo realizohet vetëm nëse e marrim vetë në dorë fatin tonë. Mbështetja për nismën, qoftë nga administrata amerikane, qoftë nga Komisioni, qoftë nga një sërë vendesh të Be, vjen dhe do vazhdojë të rritet si pasojë e faktit që nisma është shumë e qartë: ta bëjmë rajonin tonë një hapësirë ku funksionojnë për qytetarët të 4 liritë e BE, liria e lëvizjes së njerëzve, e mallrave, kapitalit e shërbimeve.
Në fund të shkurtit te viti të ardhsëm të ritakohemi në Maqedoninë e Veriut, për të çuar përpara këtë proces, dhe kemi vendosur që pas heq së barrierave jo tarifore, për eksportuesit dhe importuesit brenda përbrenda hapësirës së këtyre 3 vendeve, të adresojmë drejtëpërdrejtë heqjen e barrierave tarifore. Qëllimi ynë është që Ballkani të mos ketë kufijë për askënd që do të lëviz lirë, do të lëvizë mallrat, kapitalet dhe për lëvijen e lirë të shërbimeve, tha Rama.
