Aksidenti i ndodhur në orët e pasdites pranë Liqenit artificial, i ka marrë jetën një 29 vjeçari, Arjon Shahajt, i cili vazhdonte studimet në Akademinë e Sigurisë.
Sipas sqarimeve të Policisë, viktima është përplasur me një tjetër makinë ndërsa ka qenë duke udhëtuar me mjetin e tij, e si pasojë e përplasjes së fortë dhe përmbysjes së mjetit, ka gjetur vdekjen në vend. Shkak dyshohet se është bërë lagështia dhe shpejtësia.
Njoftimi i Policisë
“Më datë 08.11.2023, në afërsi të liqenit artificial, automjeti me drejtues shtetasin A. Sh. dyshohet se është përplasur me automjetin me drejtues shtetasin Y. R. Si pasojë e aksidentit, ka humbur jetën në vendngjarje, shtetasi A. Sh. (student në Akademinë e Sigurisë). Grupi hetimor ndodhet në vendngjarje dhe po punon për sqarimin e rrethanave të aksidentit”, tha policia.