E ka cilësuar skenar provokimi shkuarjen e Berishës me Komisionin e Reformimit të PD-së në selinë e kësaj partie, kreu aktual i saj Lulëzim Basha, shkarkuar pardje nga Kuvendi i delegatëve thirrur nga Berisha.
Në konferencën e sapopërfunduar për media, Basha tha se shqetësimi i tij nuk lidhej dhe aq me atë që bënte Berisha, sesa me faktin që teksa Berisha vepronte kështu, regjimi i Edi Ramës mbahej ende në këmbë.
Nuk ka nevojë për mëdyshje, tha Basha mes të tjerave, trekëndëshi I Berbudës është vendosur i gjithi përballë nesh. Jemi të gjithë bashkë kundër tij, dhe kemi vullnetin ta luftojmë e të punojmë për një Shqipëri evropiane. Akuzave të Berishës do t’u isha përgjigjur duke qeshur, vazhdoi Basha, nëse gjendja e shqiptarëve nuk do të ishte kaq serioze. Nuk e kam dëgjuar se për cfarë më ka akuzuar sot. U kam marrë kartat anëtarëve? E para e punës, kryetari nuk merret me kartat… unë nuk e di ku kam kartën time, por shikoni sa banal është në atë që parashtron. Unë kam dalë përpara drejtësisë dhe është vërtetuar që sulmet ndaj meje kanë qenë politike. Kurse nga trekëndëshi i Bermundës, askush nuk ka dalë përpara drejtësisë. Të gjitha akuzat e Edi Ramës, po riciklohen turpshëm nga Berisha. Pyetja është ça frike ka ky që kërcënon. Ky që është shumica, pse nuk na lë ne pakicën të dalim hapur. Ku e gjejnë ish drejtuesit e Policisë të marrin në telefon deputetët e PD-së, Agron Kuliçi, ku e gjen guximin të marrë e t’u thotë mos shkoni në Kuvend? Nderi që na ka bërë Berisha, është që i ka marrë me vete.
Sa për bravat, nuk merret kryetari me bravat. Tek Syri mbase merret Berisha me bravat, por këtu jo.
Ka dokumente ku thuhet që PD as pranon dhe as kërkon që një polic i thjeshtë e jo më instrumente të veçanta, që i kanë përdorur kundër nesh, të vendosen në mes të demokratëve.
Kjo e sotmja skenar provokimi, të cilës edhe në vazhdimësi ne do t’I përgjigjemi me qetësi. Pas 18 dhjetorit, dualizmi në PD merr fund. Më pas do të ketë vetëm një parti, dhe një kryetar, tha mes të tjerave Basha.
