Pep Guardiola është ndarë nga gruaja e tij Cristina Serra, pas 30 viteve bashkë dhe tri fëmijëve. Duket se çifti i ka dhënë lamtumirën njëri-tjetrit disa javë më parë, pas muajsh reflektimi për lidhjen e tyre.
Marrëdhënia mes Pep Guardiolës dhe Cristina Serrës ka përfunduar pas 30 vitesh. Vendimi është marrë në dhjetor, në fshehtësi të plotë, dhe u zbulua vetëm tani. Çifti ishte martuar 10 vjet më parë, por dashuria e tyre ka nisur në vitin 1994.
Ka qenë transmetuesi spanjoll “El Periodico” që e bëri të ditur lajmin, ardhur nga burime pranë menaxherit të Manchester Cityt dhe gazetares.
Ndarja mes Pep Guardiolës dhe Cristina Serrës ka ndodhur në fshehtësi të plotë, pasi çifti e ka jetuar përherë ashtu jetën: me sa duket kishin informuar vetëm të afërmit dhe miqtë e tyre më të ngushtë. Lajmi për ndarjen filloi të qarkullonte në Argjentinë, e më pas u zyrtarizua në Spanjë nga “El Periodico”, e cila saktësoi se të dy jetonin tashmë në shtëpi të ndara. Duket gjithashtu se ndarja është bërë në paqe, pas muajsh reflektimi, dhe se trajneri dhe gazetarja kanë mbajtur marrëdhënie të përzemërta.
Marrëdhënia: “Gruaja ime është më e mira në botë në shumë gjëra, veçanërisht në modë. Ajo më thotë normalisht, mos vish këtë apo atë, kështu që unë e ndjek. E kuptoj shumë mirë kur njerëzit janë më të mirë se unë, ndaj i ndjek këshillat e tyre”, pati deklaruar Pep Guardiola për Cristina Serra-n. Ajo i shkoi pas kur u transferua në Mynih për të trajnuar Bayernin dhe në 2016-n shkoi me të në Mançester, për t’u larguar nga qyteti anglez 3 vjet më vonë, e për të nisur prej andej një lidhje në distancë.
Pep Guardiola dhe Cristina Serra u takuan në vitin 1994 ndërsa ai po punonte për stilistin Antonio Mirò, në një dyqan në Barcelonë. Ata filluan një lidhje në distancë, më pas blenë një shtëpi së bashku në kryeqytetin katalanas. Ata kishin tre fëmijë: Maria Guardiola, e lindur në 2001 dhe e njohur në rrjetet sociale, Marius, lindur në 2003-ish dhe përfshirë në botën e financave dhe Valentina, e cila mbërriti në vitin 2008.
Pep dhe Cristina u martuan me një ceremoni shumë intimenë vitin 2014, në Matadepera, afër Barcelonës.
