Kreu i qeverisë Rama ka ripublikuar qysh në mëngjes, 7 pikat e “Paketës së Rezistencës”, duke cilësuar se qeveria nuk i lë kurrë vetëm ata që kanë nevojë.
Statusi i plotë i Ramës:
Mirëmëngjes. Dhe me 7 masat e Paketës së Rezistencës Sociale, të cilat flasin vetë, edhe këtë herë, se kjo është qeveria që kurrë nuk i lë vetëm në ditët e vështira ata që kanë nevojë për mbrojtje, ju uroj një javë me më pak stres nga pasojat e padëshiruara të një lufte që as e nisëm, as e ndalim dot ne, por që do ta përballojmë patjetër me forcën e karakterit dhe të solidaritetit tonë me njëri-tjetrin.
Kujtojmë që sot është Dita e Verës, festa pagane festuar gjerësisht në qytetin e Elbasanit, kthyer më pas në festë kombëtare, që festohet në të gjithë Shqipërinë.
