Ka përfunduar në orën 7 të mbrëmjes procesi i votimit për zgjedhjet parlametare në Shqipëri. Sipas kreut të KQZ-së procesi ka qenë i qetë, i sigurt e me integritet, pavarësisht dy tri elementeve të paktë, me gjasa fryrë prej partive politike prej tensionit.
në fjalën e tij Celibashi tha se numëri do të nisë menjëherë pas mbërritjes së kutive të votimit nëpër qendrat e numërimit të votave, dhe se qe detyrimi i komisionerëve që ti shpinin ato të sigurta.
Celibashi u kujtoi komisionerëve që duhej ta përmbyllnin këtë fazë në përpushje me parashikimet e kodit zgjedhor e po ashtu u bëri thirrje partive politike të qendronin të qeta, sepse kjo qetësi e tyre qe tejet e rëndësishme për procesin e numërimit dhe daljen e rezultateve.
Celibashi theksoi që KQZ ka marrë përsipër ta përmbyllë këtë proces brenda 48 orëve, e se në fillim do të dalin koalicionet dhe partitë fituese e më pas kandidatët për deputet
Tani që procesi ka përfunduar, tha Celibashi, shoh të nevojshme t’u kujtoj komisionerëve ta përmbyllin edhe këtë fazë në përputhje me parashikimet e kodit. Është një proces i rëndësishëm, se lidhet me sigurinë dhe integritetin e procesit të votimit, integritetin e votës, dhe shpresoj që edhe këtë fazë të përmbushjes së tyre, do ta qasin me parashikimet e kodit.
Është rasti t’u bëj thirrje partive politike që procesin në vijim ta përcjellin me qetësi. Askush nuk e di kush i ka fituar këto zgjedhje, duhet të presim sa të numërohen fletët, për të marrë vesh kush është fituesi, kështu që çdo deklarim i bërë pa nisur procesi i numërimit të fletëve, nuk do t’i shërbente qetësisë sigurisë dhe garancisë së këttij procesi. Shpresoj që gjithë lidershipi politik ta ketë koshiencën për të kuptuar që ka nevojë për shumë qetësi në këtë moment, për të krijuar kushtin e punës së qetë për komisionerët dhe numëruesit.
KQZ ka marrë të gjitha masat që ky proces të përfundojë brenda 48 orëve, të paktën për partitë politike dhe koalicionet dhe pastaj të vazhdojë me procesin e nxjerrjes së rezultatit për kandidatët. Procesi i nxjerrjes së rezultatit i numërimit të fletëve të votimit dhe vlerësimit të tyre do jetë i monitoruar dhe i vëzhguar nga KQZ nga një sërë monitorues vendas e ndërkombëtarë, e po njësoj edhe nga pikpamja teknike, dhe të gjitha regjistrimet që lidhen me këtë proces do t’u jepen menjëherë subjekteve politike, pasi të dalin rezultatet për partite politike dhe koalicionet. Kodi zgjedhor i jep të drejtë KQZ-së që të bëjë verifikimin edhe pas shpalljes së rezultatit, të kutive të votimit, kështu që nëse do rezultojë ndonjë mospërputhhje mes asaj që ne do të gjejmë me atë të asaj çfarë numëruesit dhe komisionerët kanë deklaruar në tabelat e rezultate, përgjegjësit e tyre mospërputhjeve do të kenë sanksione të rënda penale.
