Pas vizitës që i ka bërë kreut të PD-së Lulëzim Basha në selinë e PD-së, ambasadorja amerikane Yuri Kim u ka përcjellë mesazhe të forta demokratëve, përmes deklaratës së saj në media.
Mes të tjerave ajo i ka ftuar ata të shohin përpara, e të mos e mbajnë njërën këmbë tek e shkuara, sepse kështu nuk mund të përparohet.
Është vërtet thelbësore dhe e shkëlqyer që PD-ja është rikthyer në Kuvend me forca të plota, tha mes të tjerave Kim. Ka gjithashtu veprime që duhen ndërmarrë për t’u siguruar që do të kemi zgjedhje më të mira herën e ardhshme. Për të trajtuar të gjitha mangësitë që janë identifikuar në raportin e ODIHR. Ka gjithashtu punë që duhet bërë për sa i përket reformës territoriale dhe korrupsionit. Dhe e gjithë kjo kërkon një PD të fortë dhe të bashkuar, që të bëjë përpara, por nuk mund të bëhet përpara nëse njëra këmbë ka mbetur në të shkuarën. Dhe, si gjithmonë, ne presim që të ecim përpara me Shqipërinë, me popullin, me PD-në, drejt të ardhmes. Le të ecim përpara, ka përfunduar Kim.
