E ka cilësuar si prej mendimtarëve më të mëdhenj evropian ambasadorja amerikane Yuri Kim, shkrimtarin më të njohur shqiptar Ismail Kadarenë.
Teksa ka publikuar një foto me 85 vjecarin Kadare, Kim e vë theksin tek sprova e Kadaresë Identiteti Evropian i SHqiptarëve, të cilin e cilëson me po aq vlerë dhe sot, sa dhe kur u botua.
“Identiteti evropian i shqiptarëve” është po aq me vlerë sot, sa edhe kur ai e botoi më 2006-n. Kënaqësi që kisha këtë bisedë me një prej mendimtarëve të mëdhenj evropianë, shkruan Kim krah fotos.
Kujtojmë që Identiteti Evropian i Shqiptarëve, është një prej sprovave, ku shkrimtari Kadare, ka analizuar problematikat e përkatësisë identitare të shqiptarëve, të cilët shekujve kanë qenë të dyzuar mes Lindjes dhe Perëndimit, duke këmbëngulur fort se ata i kanë përkitur dhe përkasin Perëndimit.
