Java në vijim është ajo e ndryshimeve të mëdha. Të martën, më datë 4, Mërkuri hyn tek Binjakët, për të ndenjur goxha kohë, i ndjekur më pas prej Venusit, që zhvendoset më datë 9, të dielën. Kështu, shenjat e Ajrit që mbështeteshin deri më tani nga Saturni dhe Jupiteri në Ujor, do të fitojnë një energji të madhe, e cila në fakt këtë javë do t’ju mungojë shenjave të Tokës, që mbështen tashmë vetëm prej Plutonit retrogradë tek Bricjapi dhe Diellit e Uranit në Dem. Të qëndrueshme shenjat e Ujit, të mbështetura nga Neptuni tek Peshqit dhe Marsit tek Gaforrja. Vazhdon boshllëku kozmik për shenjat e Zjarrit, të pambështetura për momentin nga rrezja e asnjë planeti.
Dashi
Më në fund përforcime për ju. Javën e shkuar e patë vetën kundër të gjithëve, në luftë me Marsin planetin e luftës, në kuadraturë nga shenja e Gaforres, dhe me të heshturin, por të fuqishmin Pluton, në kuadraturë nga shenja e Bricjapit. Tani gjërat për ju ndryshojnë. Si në të majtë, ashtu dhe në të djathtë, keni më në fund miq të mirë. Jupiteri dhe Saturni vazhdojnë t’ju mbështesin në gjërat praktike nga shenja e Ujorit, kurse Mërkuri dhe Venusi ju japin forcë dhe pasion nga shenja e Binjakëve. Pra i kini të tërë elementët për të fituar.
Demi
Kapërcimi i ndikimit të Hënës së Plotë, në kundërvënie nga shenja e Bricjapit, me siguri nuk ka qenë i lehtë, por tni pranëvënia e pafavorshme e planeteve nuk është më, kështu që mund t’i riktheheni ritmit tuaj. Edhe pse këtë javë Mërkuri dhe Venusi do largohen njëri pas tjetrin nga pjesa juaj e qiellit, mund të mbështeteni ende tek energjia diellore dhe tek ajo e prurësit të risive të mëdha, Uranit. Koha e dhuratave të vitit të ri astrologjik nuk ka mbaruar ende dhe yjet parashikojnë edhe dhurata të tjera në vijim.
Binjakët
Përgjatë kësaj jave, në hapësirën tuaj të qiellit, do të hyjnë njëri pas tjetërit, Mërkuri dhe Venusi. I pari do të sjellë shumë fat dhe sidomos një mendim të kthjellët e krijues, duke ju dhënë ide brilante, e dyta do t’ju sjellë më të bukurën e dhuratave, pasionin. Të rrethuar prej këtyre rrezve, nuk do t’i ndjeni aspak tekat e Neptunit nga shenja jo komode e Peshqve, madje, shtysën e tij për t’u ndjejë disi melankolik, do ta përdorni për të arritur qëllimet tuaja.
Gaforrja
Gjatë kësaj jave, Mërkuri dhe Venusi hyjnë në shtëpinë tuaj të 12, ose në atë sektor të qielit ndodh zhbërja e lidhjeve të vjetra karmike. Pra këto ditë, do jenë ditë spastrimi. Gjithçka që nuk ju duhet, do të dalë fillimisht në dritë, pastaj do flaket tutje. Këshilla e qiellit është të mos rrini ngjitur me atë që s’ju duhet më, por të hapni vend për të rejat që po vijnë. Është koha të hapni dritaret e dashur Gaforre, që më në fund t’ju futet ajër i pastër dhe i shëndetshëm.
Luani
Më në fund një lajm i mirë, dy madje. Gjatë kësaj jave, dy planete kthehen nga armiq të betuar, në miq të besuar, gati për t’ju hënë forcën dhe energjitë që ju duhen për betejat tuaja. Bëhet fjalë për Mërkurin dhe Venusin. I pari do t’ju bëjë të zgjoheni nga gjumi dhe do tju sugjerojë zgjidhjen e problemeve që ju shqetësojnë prej kohësh. I dyti do t’ju rrisë sharmin, në mënyrë që askush të mos ju rezistojë dot. Edhe në dashuri, gjërat do nisin të kthehen për mbarë.
Virgjëresha
Është koha për të parë brenda vetes dhe të vlerësojmë çfarë duam të mbajmë dhe çfarë të heqim. Kjo vlen si për gjërat e përditshme, e po ashtu edhe për ato që i takojnë dashurisë dhe ndjenjave. Nga ana tjetër, Mërkuri (mendja) dhe Venusi (zemra) të vendosura në kuadraturë nga shenja e Binjakëve, ju ftojnë të bëni pikërisht këtë gjë. Sa u takon të tjerave, energjia nuk do t’ju mungojë, madje, falë Marsit, në sekstil nga shenja e Gaforres, do të jeni makina të vërteta lufte.
Pershorja
Më në fund po filloni të arsyetoni. Forca nxitëse e Mërkurit dhe Venusit nga kjo javë, në trekëndësh tejet të favorshëm nga shenja e Binjakëve, do fillojë të ndihet në mënyrë shumë të fortë. Në kokën tuaj do të jetë sikur retë të hapen befas, duke sjellë në jetën tuaj rreze optimizmi. Sa i takon zemrës, vlen i njëjti diskutim. Venusi, i bukur dhe rrezatues, do krijojë ura mes jush dhe të tjerëve, duke ju rrëzuar barrierat që ju ndajnë nga njeriu u zemrës.
Akrepi
Ishit protagonist i një prej hënave të plota më të forta e më sugjestionuese të viti. Tani, Zonja e Bardhë iku, dhe qielli është gati t’ju bëjë të tjera dhurata të rënësishme. Në radhë të parë, që prej kësaj jave, nuk do kini më Mërkurin në të kundërt. Kështu, mendiet tuaja do jenë më të kthjellëta. E njëjta gjë vlen edhe për aftësitë komunikuese. Të gjitha keqkuptimet, që mund të jenë shfaqur javët e fundit, do zhbëhen. Risia e dytë i takon zemrës. Venusi në fakt, do të dalë nga kundërvënia prej shenjës së Demit, dhe, me ikjen e saj, do largohen edhe të gjitha problemet me të cilat u është dashur të përballeni së fundmi.
Shigjetari
Gjetja e ekuilibrit të duhur mes instinktit dhe racionalitetit, është sfida që ju ofron qielli për këtë javë. Mërkuri dhe Venusi, në në kundërshti nga shenja e Binjakëve, ju nxisin të bëni pikërisht këtë. Mos harroni që shenja juaj është me goxha këmbë në tokë, por parë qiellin, jeta juaj do jetë e pqërqendruar pikërisht në kërkimin e kësaj balance, e cila mund ju nxisë edhe një tensionim të vazhdueshëm. Qielli ju ofron sfida, por edhe mjetet për t’i përballuar. Mos harroni që keni edhe Saturnin dhe Jupiterin në sekstil nga shenja e Ujorit, që ju mbështesin.
Bricjapi
Lufta vazhdon. Arma fituese për të përballuar betejat në proces, është në zemrën tuaj. Do jetë aftësia juaj për të menaxhuar emocionet, sidomos në pjesën familjare, që do t’ju bëjë ta kapërceni provën e Marsit, në kundërvënie nga shenja e Gaforres. Nisur nga kjo javë, nuk do ta kini më mbështetjen e pakushtëzuar të Venusit dhe Mërkurit, në trekëndësh nga shenja e Demit, por, për kompesim, do vazhdoni të mbështeteni tek Plutoni në pjesën tuaj të qiellit, si dhe tek rrezet e Diellut e të Uranit, që ju mbushin me gjallëri dhe dëshirë për risi.
Ujori
Tani mund të nxirrni një psherëtimë lehtësimi. Kësaj jave në fakt, do të shihni radhët e planeteve jofavorizues të largohen. Mërkuri dhe Venusi, njëri pas tjetrit, do të largohen nga shenja e Demit, për t’u pozicionuar në një shenjë tejet të faovrshme për ju, në atë të Binjakëve. Kjo do të thotë që mendja juaj do të çlirohet nga mendimet e rënda, që lidhen sidomos me shqetësimet praktike dhe zemra juaj do nisë të rrahë si më parë. Sharmi juaj pastaj, do jetë i pakreahasueshëm. Përfitoni nga ky qiell. Është pikërisht një qiell rilindjeje.
Peshqit
Kujdes nga mendimet, nga ajo që vërtitet në kokën tuaj kaq speciale, po hera-herës edhe kaq kapriçoze. Nga kjo javë në fakt, Mërkuri, planeti i mendimit të kthellët e krijues, vihet në krye nga shenja e Binjakëve. Mesazheri i Perëndive, nënkupton edhe komunikimin, ndaj duhet të bëni shumë kujdes me mënyrën se si i shfaqni mendimet dhe ndjenjat tuaja ndaj të tjerëve. Fjala është edhe për ndjenjat, sepse Venusi mundi t’i trazojë ca ujërat e t’ju krijojë edhe probleme komunikimi me partnerin. Këshilla nga yjet: të mirës me të mirë, e të keqes me të keqe.
