Protagonisti i vërtetë i kësaj jave është Mërkuri. Mesazheri i Perëndive u largua ditën e Pashkëve nga shenja e Peshqëve, për të hyrë në atë të Dashit. Kështu që, këtë javë, meqë tek Dashi janë tranzit edhe Venusi e Dielli, shenjat e Zjarrit janë më të favorizuara se kurrë.
Ky kalim, u pakëson disi përkrahjen shenjave të Ujit, të cilat tani kanë mbështetje vetëm rrezen e Neptunit tek Peshqit.
Të favorizuara vazhdojnë të mbeten edhe shenjat e Ajrit, të cilat përkrahen prej Saturnit dhe Jupiterit tek Ujori e prej Marsit tek Binjakët, si dhe ato të Tokës, mbështetur nga Urani tek Demat dhe Plutoni në Bricjap.
Por çfarë do të thotë kjo vendosje e yjeve për secilën nga shenjat?
Dashi: Tashmë i kini të gjithë përbërësit për të festuar. Mërkuri, Venusi dhe Dielli ju bëjnë më bindës, plot pasion dhe jetë. Ky është mometi për të thënë atë që keni në zemër, për të kërkuar të drejtën tuaj, por edhe për t’ju përcjellë të tjerëve atë që ndjeni!
Demi: Kjo është kohë bilancesh. Mërkuri ndodhet në shtëpinë tuaj të XII, asaj pjese të qiellit që lidhet me mbylljen e cikleve në jetën tuaj, duke kërkuar një ndërgjegjësim për statusin ku jeni, sidomos sa i takon punës dhe dashurisë. Duhet të përgatiteni për një fillim të ri, e duhet ta bëni duke u çliruar nga barrat e vjetra.
Binjakët: Tani që Mërkuri nuk ju bezdis më, mund të shijoni energjinë e Marsit që ju mbush me dëshirë dhe vendosmëri për të bërë gjëra. Duke nisur që prej kësaj jave, do të jeni më konkretë e më të drejtëpërdrejtë. Veç Mërkurit, aleat keni edhe Jupiterin dhe Saturnin, në trekëndësh nga shenja e Ujorit, si dhe Dielliin e Venusin në sekstil nga shenja e Dashit.
Gaforrja: Nevojitet të ndaleni një çast. Përqëndrimi i planeteve në shenjën e Dashit, nuk ua bën të lehtë t’i shpini deri në fund betejat tuaja. Kjo vlen për të gjitha fushat e jetës. Me këtë energji jo dhe kaq të favorshme, sugjerimi është të punoni pa rënë në sy, duke ndrequr ç’të mundni, pa ndërmarrë angazhime të reja.
Luani: Më në fund pas një periudhe të vështirë nga pikëpamja e energjive jo të mbara, tani yjet ju përkrahin në maksimum. Nga kjo javë e tutje, përveçse mund të mbështetni tek Venusi dhe Dielli, në trekëndësh nga shenja e Dashit, mund të mbështeteni edhe tek Mërkuri, që ndodhet në një pozicion të favorshëm po në të njëjtën pjësë qielli. Falë Marsit në sekstil nga shenja e Binjakëve, mund të rrisni kërkesat tuaja dhe të arrini më në fund atë që doni. Kjo vlen si për pjesën e punës, ashtu edhe për atë të ndjenjave.
Virgjëresha: Përdorni më mirë kartën e komunikimit. Është e vërtetë që doni të luftoni, se shihni gjëra që nuk i duroni dot, por yjet nuk ju mbështesin në këtë, madje me gjasa, nëse zgjidhni luftën, edhe mund të dëmtoheni. Zgjidhja më e mirë është komunikimi. Nëse kini problem me ndokënd, flisini hapur me të, me frymën e bashkimit dhe jo atë të luftës.
Peshorja: Me vendosjen e yjeve kësaj jave, keni të favorizuara të gjitha aktivitetet që kanë në plan të parë punën dhe aktivitetin fizik. Me Plutonin në kuadraturë nga shenja e Bricjapit dhe Mërkurin, Diellin dhe Venusin në kundërshti nga shenja e Dashit, lërini mënjanë debatet në dashuri, dhe sidomos shpenzimet e tepërta.
Akrepi: Bëni kujdes nga takimet me njerëz me energji jo tamam pozitive. Këshilla e yjeve këtë javë është t’i përzgjdhni me kujdes takimet. Në dashuri mund të kini surpriza të këndshme, me kusht që të dini t’i zgjidhni mirë njerëzit të cilëve u hapni zemrën.
Shigjetari: Ashtu si për të gjitha shenjat e Zjarrit, edhe për ju, java në vijim do jetë e mbështetur më së miri nga yjet. Këshilla është të kultivoni marrëdhënien me të tjerët. Të komunikoni. Bëni kujdes nga betejat. Marsi nuk është në favorin tuaj, ndaj me gjasa humbisini. Dashuria shumë mië, në të gjitha format e saj.
Bricjapi: Bëni kujdes me kokëfortësinë që ju karakterizon. Këtë periudhë mund t’ju krijojë probleme. Dielli dhe Venusi nuk janë në harmoni nga shenja e Dashit dhe kjo për ju do të thotë që s’mund të kini dhe aq besim tek qendrueshmëria e partnerit, e po ashtu as të mbështeteni më tek cilësitë tuaja komunikuese e bindësë. Ndonjëherë, të heqësh dorë është më mirë, dhe kjo është këshilla e yjeve për këtë javë.
Ujori: QIelli juaj vazhdon të jetë mëse i favorshëm. Saturni dhe Jupiteri vahdojnë të punojnë për ju përmes një tranziti të stërgjatë, që i gjen ata të angazhuar pikërisht në hapësirën tuaj. Marsi në trekëndësh nga shenja e Binjakëve, ju jep karizmën dhe atë dell luftarak që ju duhet, për të shfrytëzuar në maksimum mundësitë që ju ofron e tashmja. Në dashuri, Venusi ende i eklipsuar, mund t’ju bëjë ta humbisni disi durimin dhe të jeni ca grindur me partnerin. Ju bën mirë t’i dedikoheni punës, por ndonjëherë mundësojini vetes edhe ndonjë pushim, që s’mund t’i bëjë veçse mirë juve dhe kujt ju rri pranë.
Peshqit: Ikja e mesazherit të Perëndive nga shenja juaj, mund t’ju nxisë dëshirën për të mos folur. Dakord, mos u sforconi, por në të njëjtën kohë, kushtojini paksa vëmendje atyre që ju rrinë pranë. Dashuria dhe vlerësimi mund të manifestohen në shumë mënyrë, dhe shpesh thonë më tepër se mijëra fjalë…
