Regjisori, aktori, humoristi hollivudian Woody Allen, ka vendosur të tërhiqet prej kinemasë për t’ju dedikuar letërsisë.
Lajmin e bën me dije e përditshmja spanjolle “La Vanguardia”, e cila mes të tjerave sqaron se xhirimet e filmit të 51 të tijit, e të fundit, do të nisin në Paris muajt e fundit. Kështu, 86 vjecari Allen, lë pas 72 vite karrierë dhe 4 cmime Oscar.
Njoftimi i Woodi Allen për tërheqjen nga ekrani i madh nuk vjen dhe aq si rrufe në qiell të hapur. Fakti një pasioni i tij për kinemanë po venitej, kishte kohë që nuk ishte mister. Vetë regjisori e kishte deklaruar në fillim të këtij viti gjatë një instagrami live me Alec Baldwin, se “pjesa më e madhe e emocionit është tretur. Tani bën një film, je për ca javë nëpër kinemara, pastaj kalon në streaming apo në pay per view. Nuk është e njëjta gjë. Nuk është dëfryese për mua”
Në intervistën me të përditshme spanjolle, Woody Allen shpjegon më pas se si humori është më i ndërlikuar nëpër filma, duke treguar ankthin që e përfshinte filmave të parë, teksa priste të qeshurat e publikut.
Tashmë Allen, dëshiron t’i kushtohet shkrimit të një romani, kryesisht humoristik. “Lexuesi i një libri është i vetëm, i clodhur, në kolltuk, i pa përfshirë në ndonjë ndërveprim social. Lexon, hera-herës gjen ndodnjë gjë dëfryese, por nuk ka nevojë të qeshë me zë të lartë, si publiku i kinemasë. Lexuesi thjesht mund të buzëqeshë, apo të çmojë ndonjë detaj që e ka kuptuar”, shprehet mes të tjerave në intervistën e tij regjisori Woody Allen.
