Kreu i qeverisë Rama është operuar ditën e sotme prej një apandeciti akut, pranë ambienteve të QSUT-së.
Lajmin e bën me dije zyra e shtypit e Kryeminsitrit, e cila njofton se “pas kryerjes së disa testeve imazhe në QSUT, u pa se kreu i qeverisë vuante nga një apendicit akut dhe për këtë arsye iu nënshtrua një ndërhyrje kirurgjikale. Operacioni u krye nga ekipi i mjekëve kirurgë dhe anestezistë, nën drejtimin e prof. Arben Gjata, shef i shërbimit të kirurgjisë në QSUT”.
Po sipas zyrës së shtypit të Kryeministrit, ndërhyrja konsiderohet e suksesshme dhe gjendja shëndetësore e kryeministrit Rama paraqitet e mirë.
