Denis Kireev, një prej anëtarëve të delegacionit ukrainas, që mori pjesë në raundin e parë të bisedimeve me Rusinë në Gomel të Bjellorusisë, ka mbetur i vrarë gjatë një operacioni të Sherbimeve Sekrete Ukrainase (SBU).lajmi bëhet i ditur fillimisht përmes gazetës UKRAINASE “Ukrainska pravda”, e më pas prej agjencisë shtetërore “Unian” dhe deputetit Oleskiy Goncharenko, ndërkohë që sipas mendiave të huaja, nuk ka ende një njoftim zyrtar.
Sipas “Ukrainska Pravda”, 007-at e Ukrainës, po përpiqeshin ta arrestonin Kireev-in me akuzën e tradhtisë, por gjatë operacionit, ai ka mbetur i vrarë. Po i njëjti burim mediatik, ka bërë me dije se kanë pasur prova të forta pë të dyshuar tek ai, mes së cilave edhe disa telefonata.
Kireev shfaqet në fotografitë gjatë bisedimeve të raundit të parë të bisedimeve Ukrainë-Rusi, ndërkohë që në raundin e dytë të bisedimeve, nuk vihet re prania e tij.
Sipas informacioneve, Denis Kireev, qe bankier me eksperiencë, i cili kishte punuar në bankat më në zë të vendit e të huaja, në nivelet e larta drejtuese
