Universitetet vazhdojnë onlajn. Ky është vendimi i marrë prej Komisionit Teknik të Ekspertëve, sipas së cilit, në kontekstin ku jemi, kur kemi një rritje të të prekurëve me kovid në fashën moshore 15-24 vjeçare, e kur kjo moshë është një prej vektorëve kryesorë të transmetimit të virusit, hapja e universiteteve është tejet e rrezikshme.
Ministrja Evis Kushi sqaroi se ky qe një takim për t’u dhënë një përgjigje studentëve, të cilët me të drejtë janë të interesuar të dinë, pasi mësimi onlajn paraqet prolematikat dhe vështirësitë e veta. U takova me rektorët për të diskutuar sfidat onlajn tha ajo, dhe pajtohem me opinionet dhe shqetësimet e tyre. Por nga ana tjetër do kërkoja dhe mirëkuptimin e çdo institucioni arsimor për vendimet që rrjedhojnë nga sugjerimet dhe analiza juaj lidhur me pandeminë.
Do kërkoja edhe solidalizimin, i cili në këtë kontekst kërkon që foksusi të jetë shëndeti, dhe do kërkoja një solidarizim me shumë përulje edhe të studëntëve. Si ministri, jemi të ndërgjegjshëm që janë vendimet tuaja ato që na shpien në hapjen apo jo të universiteteve… dhe shpresoj ta kalojmë sa më shpejt këtë situate.
Për Silva Binon vendimi qe i vështirë për të ruajtur shëndetin publik ndërsa, ndërsa shefja e Infektivit, NajadaÇomo, u shpreh se më mirë te kemi universitetet bosh sot, e spitalet bosh nesër, se universitetet plot sot, e spitalet plot nesër.
