Një ditë pas vdekjes së foshnëjs 3 vjece në kopështin Flatrat e Dijes në Fier, policia e Fierit ka arrestuar edukatoren e këtij kopështi, 27 vjecaren Redina Binjaku.
Në njoftimin e polisicë thuhet se “specialistët për Hetimin e Krimeve në Komisariatin e Policisë Fier nën drejtimin e Prokurorisë së Rrethit Gjyqësor Fier, arrestuan shtetasen R. B., 27 vjeçe, banuese në Fier, pasi në kopshtin privat ku punon si edukatore, ka humbur jetën aksidentalisht fëmija i mitur 3 vjeç, i cili duhej të ishte nën mbikqyrjen e kësaj shtetaseje“
Ndërkaq, sipas gazetarit Erik Mehmeti, në çastin e tragjedisë së 3 vjeçarit, 27 vjeçarja Binjaku kishte qenë duke u kujdesue e vetme për 13 fëmijë nga 0-3 vjeç, për shkak se edukatorja e kopështit qe larguar muaj më parë dhe në punë kishte mbetur vetëm Binjaku si ndihmës-edukatore.
Paralelisht prokuria duhet të hetojë gjithashtu dhe disa fakte të rëndësishme te kopshtit privat të Fierit dhe jo të ketë vetëm një “kokë turku”, shkruan Mehmeti në një status të tijin në fejsbuk. Edhe pse 27 vjeçarja punonte si edukatore, ajo kishte shkuar të punonte si ndihmëse, pasi kishte një diplomë në Gjuhë Shqipe dhe jo edukim. Pas largimit të edukatores kryesore disa muaj më parë, ajo kujdesej e vetme për 13 fëmijë nga 0 në 3 vjeç. Si është e mundur, pyet Mehmeti, që një kopësht që paguhet rreth 100 mijë lekë të vjetra për fëmijë, mbahet një edukatore që është punësuar si ndihmëse, pa formimin përkatës? Në dëshminë e saj, Binjaku është shprehur se ka qënë duke vënë në gjum një tjetër fëmijë të mitur kur ka ndodhur ngjarja. A ka kamera kopshti në çdo cep, që të dalë e vërteta siç është, apo ishte lënë në mëshirë të fatit?, shkruan mes të tjerave gazetari Erik Mehmeti në statusin e tij në fejbuk.
