Kryebashkiaku i Stambollit, Ekrem Imamoglu është arrestuar ditën e sotme për korrupsion.
Një nga kundërshtarët kryesorë të Erdoganit, Ekrem Imamoglu, i përfshirë në një hetim korrupsioni, u arrestua nga policia turke, e cila i bastisi shtëpinë dhe kontrolloi banesën.
Lajmi u raportua nga CNN Turk dhe Sabah News. Mediat raportuan se urdhër arreste të tjera u dhanë edhe kundër qindra personave, përfshirë politikanë, gazetarë dhe biznesmenë.
Ditën e djeshme kryebashkiaku ndodhej në të gjitha mediat turke, sepse Universiteti i Stambollit kishte njoftuar se diploma e tij ishte false dhe do t’i anulohej: sipas universitetit, diploma ka “gabime të dukshme”.
Në qendër të hetimit, i cili ndezi një debat të ashpër politik, ishte diploma e marrë nga Imamoglu nga Universiteti Amerikan i Girne (GAU), me vendndodhje në Qipron Veriore, një kualifikim që e lejoi atë të regjistrohej në Universitetin e Stambollit në vitin 1990, por që mund të mos konsiderohet e vlefshme në Turqi.
Marrja e një diplome, theksonin mediat vendase ditën e djeshme, përfaqëson një nga kërkesat për të kandiduar për president të Republikës dhe Imamoglu e kishte shpallur tashmë synimin e tij për të marrë pjesë në zgjedhjet e ardhshme.
“Po afrojnë ditët kur ata që morën këtë vendim do të mbajnë përgjegjësi përpara historisë dhe drejtësisë. Marshi i kombit tonë, i etur për drejtësi, ligj dhe demokraci, nuk mund të ndalet”, ka shkruar ndërkaq Imamoglu në një mesazh në X pak orë përpara se policia të bastiste shtëpinë e tij.
Tashmë lajmi i arrestimit për korrupsion ndryshon tërësisht skenarin. Ndërkaq, prefektura e Stambollit ka ndaluar demonstratat politike
