Donald Trump u prit me ovacione të mëdha teksa doli në skenën e Capital One Arena në Uashington për tubimin e tij të fundit si president i zgjedhur. “Ne fituam. Jam i lumtur që u ktheva. Do ta rimarrim vendin”, ishin fjalët e tij të para, së bashku me sloganin “Do ta bëjmë Amerikën sërish të madhe”.
“Ne do ta marrim vendin, do mbyllen perdet e rënies amerikane dhe do të fillojmë një periudhë të re fuqie, prosperiteti, dinjiteti dhe krenarie”, tha ai mes të tjerave. “Ne do t’i japim fund mbretërimit të një administrate të dështuar”, vijoi presidenti i zgjedhur, i ndërprerë prej brohoritjeve “SHBA, SHBA” të mbështetësve të tij. Betimi u bë brenda Kapitolit në Uashington, në orën 12:00 me orën lokale (18:00 tek ne).
“Do të nisim kthimin pas më masiv në historinë e SHBA-ve. Do të ndalojmë futjen klandestine në kufi”.
Duke folur në Capital One Arena në prag të betimit të tij, presidenti i zgjedhur përsëriti qasjen e tij të vijës së ashpër ndaj emigracionit. “Ne trashëgojmë një fatkeqësi brenda dhe jashtë vendit”, tha Trump. “Duke filluar nga nesër, do të veproj shpejt për të adresuar krizat e ndryshme”, premtoi ai. “Krimi në mbarë botën është ulur dhe doni ta dini pse? Sepse ata i dërguan kriminelët e tyre në Shtetet e Bashkuara. Dhe ne do të nisim kthimin më masiv në historinë amerikane.”
“Na duhet ta shpëtojmë TikTokun!”
“TikTok është kthyer”, tha Trump duke folur me mbështetësit e tij dhe duke nënvizuar rëndësinë e aplikacionit për të fituar votën e të rinjve. “Më pëlqen TikTok. Ne duhet ta shpëtojmë TikTokun”, tha presidenti i zgjedhur, duke përsëritur planin e tij, për një sipërmarrje të përbashkët për të zotëruar aplikacionin, ku SHBA do të ketë 50% të aksioneve. Dhe ndërsa shpalli shpëtimin e TikTokut, Trump foli edhe për Apple: “Unë fola” me CEO-n e Apple, Tim Cook. Ata do të bëjnë një investim masiv”, deklaroi ai, duke sugjeruar blerjen e aplikacionit kinez nga gjigandi Apple.
“Ne do të bëjmë publike dokumentet për vrasjet e Kenedit dhe Luther Kingut”
Brenda disa orëve nga marrja e detyrës, Donald Trump zotohet të shfuqizojë urdhrat ekzekutive të Joe Bidenit. Presidenti i zgjedhur u referohet qartë politikave të DEI-t, pra ato që kanë të bëjnë me diversitetin, barazinë dhe përfshirjen. “Do t’i rikthehemi meritokracisë”, shtoi ai, duke saktësuar se do të deklasifikojë edhe shumë dokumenteve amerikane, përfshirë edhe ato që kanë të bëjnë me vdekjen e John Fitzgerald Kennedyt, Robert Kennedyt dhe Martin Luther Kingut.
“Edhe SHBA-të do kenë kupolën e tyre të Hekurt”
Donald Trump synon të japë indicie për ndërtimin e një “Kupole të Hekurt” për Shtetet e Bashkuara, e cila “do të prodhohet në SHBA”. Presidenti i zgjedhur e tha këtë nga skena e Capital One Arena në Uashington.
Musk në skenë: “Fitorja e Trumpit është vetëm fillimi”
Donald Trump thirri edhe Elon Musk në skenë. Pronari i Tesla-s, i ndjekur nga djali i tij X, merr fjalën mes duartrokitjeve të publikut. “Ne po presim të bëjmë shumë ndryshime. Fitorja është vetëm pika fillestare,” tha Musk, duke e përshkruar Son X si një “mbështetës entuziast” të Trumpit. “Ne do të hedhim themelet, që Amerika të jetë e fortë për shekuj, përgjithmonë”, deklaroi Musku.
