Buja dhe pikëpyetjet e mëdha mbi pasurinë e punonjëses në rangjet e larta të administratës së shtetit, ka trembur ndërkaq të vjedhurit e tjerë që kishin ngritur padi ndaj Rozeta Dobit për vjedhje.
Nga sa deklaron gazetarja e kronikës Anduena Llabani, ndërkohë që opinioni publik habitet nga shumat e mëdha të parave, dhe organet hetimore vazhdojnë hetimet, janë tërhequr nga policia rreth 15 kallëzime penale bërë për Rozeta Dobin në polici,
Gazetarja Llabani nuk bëri me dije se kush ishin ata që i kishin bërë këto padi, për tkuptuar pak a shumë profilin e tyre, por ajo që kuptohet nga kjo situatë, është se të vjedhurit e tjerë janë trembur nga hetimi i pasurisë, ndaj kanë preferuar më mirë të mos ndihen, se sa të hyjnë në këtë vorbull.
Sot kemi edhe shtëpi të tjera që janë kontrolluar me vendim të Prokurorisë, ka deklaruar mes të tjerave Llabani në një emision televiziv. Ka patur rreth 15 kallëzime të personave të ndryshëm në Drejtorinë e Policisë së Tiranës. Por pas daljes së lajmit, kallëzimet janë tërhequr. Për zhdukje të bizhuterive, për të njëjtën person. Por pas lajmit që u gjetën edhe paratë e zonjës Klosi, kallëzimet janë tërhequr. Kallëzimet janë bërë javën e fundit. Dalja e lajmit për zonjën Klosi, bërja e saj me përgjegjësi penale se ku i gjete paratë, janë 15 persona që kanë tërhequr kallëzimet.
