Është protestuar ditën e sotme ndaj pedofilisë dhe dënimit të pedofilëve në Tiranë, pas abuzimit të pesë meshkujve me një vajzë minorene të moshës 15 vjeçare.
Në pankartat që protestuesit mbanin në dorë, lexoheshin qartazi mesazhe mjaft domethënëse për shoqërinë shqiptare, si “Edukoni djemtë” “Kastro një pedofil, shpëto një fëmijë”, e të tjerë, duke e fokusuar vëmendjen pikërisht tek dënimi i këtij targetgrupi kriminelësh, të cilët, deri më tani, sipas Kodit Penal shqiptar, dënohen nga 3-7 vjet, e për të cilët në fakt kërkohet tredhja e po ashtu edhe një rregjistër me emrat e tyre bërë publik, në mënyrë identifikimin sa më të lehtë të tyre nga shoqëria dhe mbajtjen nën kontroll.
Nuk dihet ende se kur Parlamenti Shqiptar do t’i miratojë këto ndryshime. Ajo që dihet, është që abuzimet me të mitur, janë një problematikat që përfliten shpesh në vend.
