Evropa Perëndmore po përballet këtyre ditëve me një valë të nxehti e për pasojë edhe me zjarre në masë e humbje njerëzish nga temperaturat e larta.
Nga sa raportojnë mediat e huaja, Mbretëria e Bashkuar ka shënuar për herë të parë në jetën e saj temperatura mbi 40 gradë celcius, ndërkohë që Gjermania ka përjetuar ditën e saj më të nxehtë të vitit. Në Portugalia është shtuar bilanci i viktimave prej të nxehtit dhe në Francë, rreth 64 zona, kanë rregjistruar temperatura rekord. Edhe Vendet e Ulëta kanë mbërritur këtë javë temperatura tejet të larta, rreth 39 gradë, ndërkohë që Belgjika, por sidomos Spanja janë përfshirë nga zjarret.
“Në vitet në vijim këto temperatura do të jenë normale dhe në të ardhmen ne do të përjetojmë edhe temperatura më të nxheta”, u shpreh kreu i OMM-it Peterri Taalas.
Po sipas ekspertëve të kësaj organizate, pas këtyre ditëve të të nxehtit një valë tjetër e vështirë moti, por me shi kësaj radhe pritet në këto vende, duke sjellë për Evropën një tjetër valë dëmesh shkaktuar prej ndryshimeve të forta klimaterike.
