Efektshmëria e vaksinave mRna kundër kovid-19, ka kaluar nga 90% që ishte në mars, në 65.5% në korrik. Këto janë të dhënat e një studimi të ri të New England Journal of Medicine, kryer mbi punonjësit e shëndetësisë të universitetit San Diego në Kaliforni, sjellë për publikun prej agjencisë së lajmeve Ansa.
Autorët e kërkimit vënë në duke se, duke nisur që prej mesit të korrikut, që përkonte me fundin e detyrimit për të mbajtur maska dhe me përhapjen e shpejtë të variantit Delta, infektimet qenë rritur së tepërmi edhe mes atyre që e kishin mbyllur ciklin e vaksinave.
Studimi llogariti efektshmërinë e vaksinimit tek punonjësit për çdo muaj, prej marsit në korrik, vaksinimi i të cilëve qe kryer në dhjetor të 2020-s. Sipas tij, në mars të 2021, 76% e forcës së punës qe e tëra e vaksinuar, kurse në korrik kjo përqindje kishte shkuar 83.
Në fillim të shkurtit, vëren studimi, infektimet u pakësuan në mënyrë drastike, kurse më pas nis e vihet re një shtim i tyre edhe mes të vaksinuarëve. Po ashtu, thekson ai, në Angli, ku intervali mes dy dozave shkon deri në 12 javë, efektshmëria e vaksinave është ruajur deri në 88%. Kështu, sqaron ky studim, të dhënat tona sugjerojnë që efektshmëria e vaksinës është goxha më e pakët ndaj variantit Delta, e po ashtu edhe që mund të bjerë me kalimin e kohës”.
