Teksa mbushet thuajse një javë nga largimi nga kjo jetë i Mbretëresës së Anglisë Elizabeta II, ditën e sotme është parashikuar edhe lamtumira e fundit me të, një lamtumirë kjo që mendohet se do të përfshijë rreth 1 milionë persona vetëm ditën e sotme në Londër. Nga sa bëjnë me dije mediat angleze, ceremonia e sotme do të nisë që herët në mëngjes, për të përfunduar në darkë vonë.
Sa më poshtë, një përshkrim me përafërsi i ceremonisë së parashikuar sot për lamtumirën e fundit me Elzitabetën II.
7.30 – mbyllen homazhet ndaj mbretëreshës.
8.00 – happen dyert e Abacisë së Westminsterit, që të hyjnë të ftuarit përpara funeralit
11.00– nis varrimi me ardhjen e arkivolit të Elizabetës II mbi një karrocë përdorur për herë të fundit që më 1979n për funeralin e xhaxhait të princit FIlip, Lordit Mountbatten, e më parë, për babanë e mbretëreshës Elizabetë, Xhorxhin VI, në 1952-in.
Anëtarët e familjes mbretërore, mes së cilëve Karli, princët Ulliam dhe Harri do të ndjekin kortezhin, shoqëruar prej bandave dhe nderimeve ushtarale.
Pas shërbimit, kryer prej kreut të Westminsterit Davit Hoyle, me predikimin e arqipeshkvit të Canerburuyt Justin Welby, dhe fjalës së kryeministres britanike Lis Truss, në mesditë janë parashikuar dy minuta heshtje kombëtare.
Arkivoli do të shoqërohet përmes një procesioni në këmbë nga abacia e Wesminsterit në Wellington Arch, në Hyde Park Corner, të Londrës.
Mbretëresha bashkëshorte Kamila, Kejti, Megani dhe kontesha e Weseksit Sofia, do t’I bashkohen kortezhit në makina.
Arkivoli do të transferohet një një tjetër karrocë funerale, për udhëtimin e saj të fundit drejt kështjellës Windsor, banuar pa ndërprerje prej 40 monarkëve për thuajse 1000 vjet, e ku mbretëresha Elizabeta rrojti përgjatë pandemisë. Edhe këtu është parashikuar një kortezh në këmbë, me gjëmime këmbanash dhe të shtënash përshëndetëse, përpara nisjes së ceremonisë në praninë e 800 të ftuarëve, në Kishën San Giorgio, zgjedhur prej familjes mbretërore për martesat, pagëzimet dhe funeralet, ku u martuar Harri dhe Megan, e ku u krye edhe funerali i princit Filip.
Arkivoli I mbretëreshës do të futet në kriptën mbretërore dhe në mbrëmje, përgjatë një ceremonie familjare private, do të varroset së bashku me bashkëshortin e saj të ndjerë, dukën e Dimburgut, më kishën përkujtimore të mbretit Xhorxh VI. Mbi pllakën e mermertë do të shkruhet, Elizabeta II, 1926-2022”.
