Ka dalë një një konferencë për shtyp ditën e sotme, drejtuesja e prokurorisë së Tiranës, Elisabeta Imeraj, e cila ka bërë me dije mbylljen e hetimeve paraprake për skandalin e pagave. Në fjalën e saj drejtuar gazearëve, Imeraj tha se në këtë fazë të hetimeve kishin mund të ndalnin 4 persona, të cilët, të punësuar në AKSH, e me të drejtë hyrjeje në të dhënat e tatimeve, kanë publikuar dhe shitur në subjekte private të dhëna sensitive të individëve. E pyetur konkretisht për emrat e tyre, Imeraj tha se ato do t’i bëheshin me dije publikut përmes një komunikate për shtyp e se gjykimi i tyre do bëhej me dyer të hapura e mediat mund të ishin të pranishme.
Si rezultat i këtij hetimi paraprak, tha mes të tjerave Imeraj, kemi arritur të identifikojmë 4 persona, ku dy janë të punësuarnë strukturat e shtetit, në Drejtorinë e Përgjithshme të Tatimeve, me detyrat specifike si punonjës IT-je, nga të cilët ka dyshime të arsyeshme të bazuara në prova, që kanë rrjedhur të dhënat personale me natyrë sensitive, dhe konkretisht pagat e disa muajve. Mekanizmi ka qenë i tillë: specialisti i IT, në Drejtorinë e Përgjithshme të Tatimeve, e cila është e punësuar në AKSH, duke pasur akses tek të dhënat personale të pagave që konsistojnë në disa muaj, ka hyrë duke marrë këto të dhëna personale, të cilat i ka shpërndarë tek kolegu i saj, i cili e ka shfrytëzuar marrjen e këtyre të dhënave në mënyrë të paautorizuar prej tij, duke ua shitur ato subjekteve private. Pra gjatë hetimit kemi zbuluar që nuk kemi të bëjmë me ndërhyrje në rrjetin kompjuterik, por punonjës të caktuar kanë shpërdoruar detyrën me veprimet e tyre, dhe më pas të dhënat e siguruara i kanë shitur, saktësoi Imeraj, gjatë konferencës për shtyp me gazetarët.
