Thuajse trecerek viti nga zgjedhjet parlamentare të 2025-s, duket se situata politike në vend ka nisur të gjallërohet. Debati aktual në radhët e Partisë së Lirisë, mes dy bashkëshortëve e njëkohësisht dy kryetarëve të kësaj partie, Monika Kryemadhi dhe Ilir Meta, ka tërhequr vëmendjen e opinionit publik, për hir se Ilir Meta, këmbëngul që partia e tij, PL, është lënë pas dore nga ata që duhej ta administronin e se anëtarët e saj janë përgjuar, duke depozituar kështu edhe një padi në gjykatë, ndërkohë që bashkëshortja e tij, politikania po aq e vjetër sa Meta në politikë, Monika Kryemadhi, shprehet se e tëra kjo është thjesht një farsë imagjinare krijuar nga ata që Meta mban pranë për të shtyrë kohën, e se askush as nuk ka fshirë serverat, e as ka përgjuar anëtarët e Partisë së Lirisë.
E ftuar në emisionin Opinion të Blendi Fevziut Kryemadhi dekalroi se firma e Metës në padnë e shpënë në gjykatë është një akt I nxituar dhe I pabazuar I Metës, tek e cilësuar atë “administrator godine” e aspak si kryetar partie.
“Debati ka nisur me atë paçavuren e famshme të denoncimit që ka nisur zotin Meta, përsa u përket serverave të PL-së. Nuk ka pasur servera të marrë, nuk janë gjetur përgjues brenda zyrës së ilir metës, jo nuk është gjetur asgjë. Është bërë një denoncim, – tha Kryemadhi, – sepse është gënjyer Ilir Meta. Sepse kur mbledh rreth vetes njerëz që janë rrogëtarë, kështu ndodh, partia nuk mbahet me rrogëtarë dhe servilë sedentarë. Dhe tjetra, kur njerëzit nuk krijojnë dot aksionin opozitar, atëherë do të krijojnë armikun imagjinar. Dhe cfarë ndodh? Ai material nuk është shkruar nga një profesionist, është shkruar thjesht nga një jurist…. Unë e kam shpjeguar edhe në mbledhjen e kryesisë në PL, se serverat e PL, janë servera që fshihen një herë në javë, siç ndodh me serverat e të gjitha kamerave, ka luhatje tensioni, dhe gjatë tyre mund të ketë një çast kontakti, ku energjia shkëputet, asgjë nuk kanë gjetur, është thjesht fantazi nga një grup njerëzish, që nga rrogëtarë në presidencë, sajuan këtë që të vazhdonnin.
Këtu problem është shpërdorimi që i behet firmës së Ilir Metës, – tha Kryemadhi, – sepse kryetari I partisë nuk firmos paçavure. Sepse kryetari i partisë firmos marrëveshje politike që sjellin benefite tek shqiptarët. Sekretimin e saj, është edhe në statut, e bën sekretari i përgjithshëm. Po në këtë rast, ka ndodhur e kundërta: kryetari i partisë ka firmosur si administrator godine, dhe kjo është e paparanueshme për mua”.
