Prodhuesit e vaksinave kineze Sinopharm dhe Sinovac, kanë paraqitur të dhënat e tyre mbi vaksinat covid-19, sa i takon efektshmërisë dhe pajtueshmërisë me kërkesat e OBSH- së. Kështu u shpreh në mesjavë presidenti i Grupit Strategjik Këshillimor i Ekspertëve (SAGE) pranë OBSH-së, Alejandro Cravioto.
Grupi Strategjik i Ekspertëve, shpreson t’i publikojë rekomandimet mbi këto vaksina në fund të prillit, u shpreh ai në një konferencë për shtyp në Gjenevë. Informacionet që ndërmarrjet kanë ndarë publikisht në mbledhjen e SAGE javën e shkuar, rrëfejnë qartë për nivele efektshmërie të pajtueshme me ato që OBSH ka kërkuar për këtë vaksinë, sqaroi ai duke iu referuar mbledhjes me dyer të mbyllyra të Grupit Strategjik të Ekspertëve. Kjo do të thotë që edhe nëse flitet për 50% efektshmëri, pavarësisht se më pak se 70 %, ka gjithësesi të gjitha të dhënat e sigurisë që dëshmojnë se kjo vaksinë, nuk ka për t’ju shkaktuar asnjë dëm njerëzve nëse përdoret tek ta.
Zëdhënësja e OBSH-së Margaret Harris u shpreh në fillim të këtij muaji, se vaksinat Sinopharm dhe Sinovac, mund të bëhen mjaft shpejt pjesë e listës së përdorimit për emergjencë nga OBSH-ja.
Deri më tani nuk është lëshuar asnjë e dhënë e detajuar mbi efektshmërinë e vaksinës së Sinopharm-it, por prodhuesi i saj “Beijing Biological Products Institute”, degë e filialit të “Sinopharm China National Biotec Group” (CNBG), ka pohuar se vaksina ka qenë e efektshme 79, 43 % në parandalimin e zhvillimt të sëmundjes, bazuar në të dhënat mesatare, dhe se ajo është miratuar në vende të ndryshme, si Kina, Pakistani dhe Emiratet e Bashkuara.
Vaksina Sinovac ka dhënë rezultate të ndryshme efektshmërie, të cilat luhaten mes 50,65% dhe 83,5%, nisur nga studimet e kryera në Brazil, Turqi dhe Indonezi.
Të dyja vaksinat e fabrikuara në Kinë, janë ndërkaq tejet të kërkuara nga vendet në zhvillim të cilat mund të marrin vetëm sasi të limituara nga dozat e prodhuara prej prodhuesëve perëndimorë të ilaçeve.
