Gjatë konferencës me gazetarët kreu i qeverisë Rama ka shprehur edhe qëndrimin e Shqipërisë ndaj konfliktit Ukrainë-RusiTeksa e cilësoi kontributin e Shqipërisë një kontribut ekstrem, e po ashtu edhe ciftëzimin e Shqipërisë dhe Amerikës në këtë konflikt si jo të pa rastësishëm, Rama theksoi se e vetmja rrugë për ta zgjidhur këtë konflikt, është ajo e bisedimeve.
Qëndrimet tona lidhur me këtë cështje janë të qarta, tha Rama. Në këndvështrimin tim, rruga për ta adresuar këtë tension që rritet cdo ditë, dhe këtë konflikt që është burim i tensionit, është ajo e bisedimeve. Është rruga e gjetjes së të gjitha arsyeve të mundshme e të imagjinueshme për të biseduar, dhe për të kërkuar me durim pikat e përbashkëta, edhe pse ato janë në dukje tejet të vështira për tu gjetur. Shqipëria është shumë e qartë në pozicionin e vet, s’ka pasur asnjë herë asnjë ekuivok, por në atë modestinë e peshës sonë në këtë përballje elefantësh, ne ruajmë të drejtën të themi bisedime, bisedime, bisedime. Ky është një konflikt goxha i rrezikshëm dhe tensioni në rritje është patjetër me një potencial rrezikshmërie të lartë. Është di[ka jashtëzakonisht e komlikuar, por nga ana tjetër, ky është një nga ato rastet kur ne ndajmë barrën me të mëdhenjtë e kësaj bote por nuk kemi barrën e tyre, vazhdoi Rama, që është barra e vendimeve përfundmtare. Uroj që vendimet e tyre të jenë të arsyeshme, largpamëse dhe të bazuara tek vullneti për ti zgjidhur priblemet me bisedime.
