Ka ngjallur ilaritet në sallë, por edhe habi në publik, deklarata e kreut të qeverisë Rama, i cili, teksa ka debatuar me kreun e Opozitës, ka deklaruar se veç dronave, vitin tjetër Shqipëria do të ketë dhe dy satelitë në hapësirë, Albania One dhe Albania Two.
The do blejmë drona!, tha Rama. Joooo! Do blejmë drona, po do çojmë dhe satelitë në orbitë. Qeshni, qeshni! Kur të shikoni satelitët “Shqipëria” në orbitë, dhe jo në mandatin tjetër, po vitin tjetër, satelitë, “Albania One”, “Albania Two”, në orbitë, do t’i çojmë dhe ato, po, sepse për ne ky vend nuk është tokë e xanun dhe zhvillimi nuk është 7 mrekulli pati bota dhe të 8-n e sollët ju, që siç tha edhe ai i foltores, bëtë të mundur ndërtimin e parë pa leje të një qytetit të tërë, kjo ka qenë pretendim për t’u futur mrekullia e 8 e botës. Sigurisht që na keni lënë një situatë që do durim, për të pastruar këtu, e për të pastruar atje, por po ju them prapë, drona po e po, por edhe satelitë, në mënyrë që kontrolli mbi territorin, mbi trafiqet mbi kufijtë e mbi shumëçka të kalojë në nivelin e teknologjisë, e të hiqet nga duart e atyre që kontrollojnë më sy, që në atë pikë me thënë të drejtën, nuk është se dallojmë shumë. Kur vjen puna tek inspektorët, aty me virus janë dhe ata që kemi pasur ne, dhe ata që keni pasur ju. Sa më shumë t’ua heqim atyre kontrollin e jetës së bizneseve, e jetës së vendit, aq më mirë do të jetë, ndaj sytë për ti kontrolluar, do ti cojmë në qiell e do kontrollojmë nga qielli. Ju qeshni, është në të drejtën tuaj, se të qeshurën e keni program partie, por vazhdoni qeshini, përfundoi Rama.
