Një sasi e madhe shirash ka pushtuar jugun e Shqipërisë, duke zhytur nën ujë me qindra banorë.
Deri më tani, sipas ministrit të Mbrojtjes Niko Peleshi, të rrezikuar kanë qenë jo vetëm banorët e Novoselës, por edhe të qarqeve Berat e Gjirokastër.
Sipas strukturave shtetërore, Forcat e Armatosura janë në terren, duke ndihmuar njerëzit në nevojë.
Statusi i plotë i Ministrit të Mbrojtjes Peleshi
Agjencia Kombëtare e Emergjencave Civile ka qenë që në fillim në monitorim të situatës së shkaktuar nga reshjet në mbarë vendin. Falë monitorimit në kohë reale në terren banorët e rrezikuar janë evakuuar në kohë. Strukturat shtetërore po punojnë në ndihmë të banorëve jo vetëm në Novoselë, por edhe në qarqet Berat dhe Gjirokastër, ndërkohë që Forcat e Armatosura mbeten në gatishmëri për të shtuar angazhimin në rast nevoje.
