Ka lajmëruar mbylljen e spitalit “Shefqet Ndroqi” si spital kovid, ministrja e Shëndetësisë Manastirliu, e cila ka theksuar se, edhe pse ky spital nuk është më eksluzivisht për kovidin, stafi i tij do të jetë në gatishmëri për çdo të papritur.
Erdhi momenti për të lajmëruar mbylljen e këtij spitali si spital “Covid 2”, u shpreh Manastriliu, dhe rikthimin e tij në normalitet, pra në shërbimet që ofron spitali universitar. Spitali u kthehet zhvllimeve të veta rutinë, e po ashtu edhe projekteve të veta të mëdha. Dua të siguroj të gjithë qytetarët, që paravarësisht se e mbyllëm këtë spital, kjo nuk do të thotë që harmonizimi i shërbimeve brenda këtij spitali, nuk do të jenë funksionale.
Manastiliu sqaroi se pacientët me covid do të zhvendoseshin tek Infektivi, për t’i hapur udhë kështu, kthimit në rutinën e tij spitalit “Shefqet Ndroqi”.
Kujtojmë që gjatë periudhës së pandemisë së kovid-19, nga ky spital janë shënuar një sërë incidentesh, si hedhje të njerëzve nga dritaret, apo rasti i njohur i sanitares Tire, ku një paciente humbi jetën si pasojë e keqtrajtimit, e ku disa sanitare e infermiere u dënuan për hir të marrjes së shumave të mëdha, në këmbim të shërbimit të nevojshëm.
