Pas lajmeve për një hetim të mundshëm nga SPAK për bashkëshorten e kryebashkiakut Veliaj, dhe sekuestrimin e celularit të saj, ka reaguar edhe vetë SPAK.
Në një njoftim publikuar prej tij, ky institucion hetimor bën me dije se janë ndërmarrë disa veprime hetimore në kuadër të një procedimi penal, por duke qenë se hetimi ndodhet ende në fazën paraprake, nuk mund të publikohen të dhëna.
Njoftimi i bërë prej SPAK, sipas Report.TV
“Prokuroria e Posaçme kundër Korrupsionit dhe Krimit të Organizuar informon se janë ndërmarrë disa veprime hetimore në kuadër të një procedimi penal. Duke qenë se hetimi ndodhet ende në fazën paraprake nuk mund të publikojmë të dhëna apo informacion të mëtejshëm në këtë moment. Faleminderit për mirëkuptimin”, thuhet në reagimin e SPAK.
