Deputeti i PD-së Gazmend Bardhi ka deklaruar se djegia e karrigeve të tyre gjatë seancës së parë parlamentare, pas dënimit të deputetit Ervin Salianji në burgun e Fierit, nuk nënkupton dorëzim të mandateve, por një reagim të drejtë ndaj zhbërjes që po i bëhet opozitës në vend. Përpara karrigeve që digjeshin, Bardhi deklaroi se Rama po pengonte dhe burgoste këdo që i kthehej kundër, duke shkelur kështu rregullin numër një të demokracisë në vend, sa u takon qendrimeve opozitare
“Sali Berisha që ka prej një viti në arrest shtëpie, për shkak se ka vendosur që në mënyrë të vërtetë të përballet me regjimin e Edi Ramës”, u shpreh Bardhi. “I dyti ishte nënkryetari i grupit Parlamentar i Partisë Demokratike, Ervin Salianji, i cili denoncoi lidhjet mafioze të familjes Xhafaj me krimin e organizuar, me trafikun ndërkombëtar prej ditësh, e në vend që të ishte në bangën e parë të seancës plenare, prej tre ditësh është në burgun e Fierit. Prandaj dhe karriget tona, janë të qytetarëve, Edi Rama ka djegur parlamentin, ne i dorëzojmë karriget tona, sepse ne nuk jemi këtu për veten tonë, jemi për qytetarët dhe interesin publik”, tha Bardhi.
I pyetur nëse djegia dorëzimi dhe digia e karrigeve nënkuptonte edhe djegien e dorëzimin e mandateve, Bardhi u përgjigj prerazi jo, duke Jo, djegien dhe dorëzimin e mandateve e bëri një herë kush e bëri dhe ishte shmangie nga beteja. Ne nuk shmangemi nga beteja, do ta kenë përballë në cdo moment, me regjimin kriminal të Edi Ramës e me cilindo që do përpiqet t’i mbyllë gojën opozitës, t’u mbylli gojën qytetarëve. T’i mbylli gojën të vërtetës. Të vërtetës nuk i mbyllet dot goja. I pyetur se si do të përshkallëzoheshin protestat e opozitës, Bardhi nuk sqaroi më tej, por cilëoi se do t’i shihnin.
