“Daja” përdhunues pranon se e ka vrarë të “mbesën” pasi kishte dashur ta përdhunonte, sepse ajo e kishte kërcënuar se do t’ju tregonte prindërve”
Greqia është tronditur nga rasti i 37 vjeçarit që ka vrarë dhe fshehur të miturën 11 vjeçe, pasi kishte dashur ta përdhunonte por ajo nuk e kishte lejuar dhe e kishte kërcënuar se do t’u tregonte prindërve.
I pyetur në polici, 37 vjecari ka pohuar se kishte shkuar për ta përdhunuar 11 vjecaren, por ajo e kishte kërcënuar dhe ai e kishte vrarë me një kaçavidë që e mbante në makinë.
I dënuar edhe më parë për ngacmime të miturish, i afërm i nënës së vajzës, por edhe mik I të dy prindërve të së miturës, 37 vjeçari ka rrëfyer detaje shokuese nga krimi makabër. E mitura qe larguar nga shtëpia mbrëmjen e së dielës për të shkuar tek gjyshërit e saj, kur kishte hipur në makinën e dajës vrasës dhe që prej atij momenti rezultonte e zhdukur, duke u gjendur mandej e vdekur të hënën pasdite, në një zonë rurale në Katarachi, rreth 25 kilometra larg shtëpisë së saj.
“Fëmija është gjetur i pajetë në një zonë rurale ku jemi drejtuar nga autori, i cili është kapur qysh në orët e para të mëngjesit, pasi policia e mbërritur në vendngjarje, zotëronte disa materiale video dhe kishte identifikuar mjetin e ti. Ndërkohë, e kaluara kriminale na çoi në përfundimin se ky person i ka bërë diçka të keqe fëmijës”, tha zëdhënsja e policisë greke Konstantia Dimoglidou. “Ai fillimisht nuk ka dashur t’i shpjegojë policisë se çfarë ka ndodhur saktësisht, por më pas ata ia kanë dalë ta zbërthejnë dhe i kanë marrë një rrëfim, duke mbërritur kështu në vendin ku ka vrarë vajzën fatkeqe, ku e kishte braktisur, për t’u kthyer më pas në shtëpi”, tha ai.
Njoftimi për shtyp i Policisë Greke
Arrestohet një person për vrasje me dashje dhe tentativë përdhunimi të një vajze 11-vjeçare në Ilia. Pasditen e djeshme, në Pirgos, nga efektivë të Nëndrejtorit të Sigurisë Pirgos, është arrestuar një vendas, ndaj të cilit është ngritur një padi penale për vrasje me dashje dhe tentativë përdhunimi. Në mënyrë të veçantë, ditën e djeshme 10-6-2024 në agim, u raportua në orët e mëngjesit zhdukja e vajzës 11-vjeçare nga zona e Myrtia Ilia, ku ishte parë për herë të fundit më datë 09.06.2024 në mbrëmje. Menjëherë efektivët e Nëndrejtorit të Sigurisë Pirgos me asistencë të OPKE Pyrgos, kanë nisur hetimet për gjetjen e të miturës, e me këtë rast është grumbulluar edhe materiali, prej nga është konstatuar përfshirja e të akuzuarit në fjalë, i cili është identifikuar dhe sjellë menjëherë në Nëndrejtorinë e Sigurisë Pirgos.Konkretisht, nga hetimet e kryera nga punonjësit e Policisë së Nëndrejtorit të Sigurisë Pirgos, rezultoi se i akuzuari pardje më datë 06.09.2024, në orët e mbrëmjes, në Myrtia Ilia, ka marrë vajzën 11-vjeçare me makinë dhe e ka çuar në një zonë rurale në Kataraçi Ilia për ta takuar.”
