Është rikthyer në natyrë falë një projekti për ruajtjen dhe shtimin e tyre, specia e njohur si Djalli i Tazmanisë, një kafshë mishëngrënëse, e cila mund të hajë çdo insekt, zvarranik apo kafshë tjetër, duke ua bluajtur madje dhe kockat.
Operacioni është cilësuar si historik prej Tim Faulkner-it, presidentit të Aussie Ark, një prej grupeve që u morën me këtë projekt, dhe i krahasueshëm me atë amerikan kryer në vitet ’90, për të futur ujkun në Parkun e Yelloustone-it.
Në vitin 1966, përhapja e një kanceri fytyre (DFTD), i transmetueshëm dhe vdekjeprurës për Djajtë e Tazmanisë, solli pakësimin në masë të popullësisë e tyre. Nga 150 mijë ekzemplarë të lirë në të gjithë botën, tashmë, për shkak të kancerit, popullësia e tyre katandiset në 20-25 mijë ekzemplarë të tillë, ndërkohë që në Australi qe zhdukur prej mijëra vitesh.
Shpresa e specialistëve është që pas tremijë vitesh thuajse zhdukjeje dhe një popullësie katandisur në 20-25 mijë ekzemplarë të lirë, kafsha e vogël mund të nisë e të popullojë hapësirat e mbrojtura, duke kontribuar kështu në ristabilizimin e ekuilibrave të ekosistemit.
Veç Djallit Tazmanian, në natyrë janë lëshuar edhe shtatë ekzemplarë të tjerë, në një hapësirë rreth 400 hekarëshe në Barringon, në veri të Sidnejit.
