Komisioni i OSBE-ODHIR-it ka dhënë ditën e sotme vlerësimet e veta për procesin e votimit ditën e djeshme, duke i theksuar ato si konkurruese, por me një sërë problematikash, mes së cilave shfrytëzimi i burimeve institucionale prej partisë në pushtet, e po ashtu edhe intimidimi i kandidatëve në garë apo përdorimi i mediave në favor të partive të mëdha, duke censuruar të voglat.
“Konstatimet tona janë më shumë se 20 faqe, ndaj unë do të doja të citoja disa prej pikave tona kryesore, duke ua lënë juve pastaj në dorë të lexoni tërë tekstin e tërë”, u shpreh përfaqësuesja e OSBE-ODHIR-it. “Më lejoni të theksoj se gjatë këtyre zgjedhjeve, populli shqiptar tregoi një angazhim të fortë ndaj demokracisë, në një klimë të polarizuar e të vështirë, ata gjithsesi, dolën morën pjesë e bënë që zëri i tyre të dëgjohej. Në respekt të nejrëzve, unë do të doja të ndaja disa nga pikat kryesore të gjetjeve tona:
- Zgjedhjet parlamentare 2025 në Shqipëri ishin konkurruese dhe u zhvilluan në mënurë profesionale. Kandidatët patën mundësi të bënin fushatë në mënyrë të lirshme, megjithëse disa prej tyre raportuan se kishin pasur edhe raste indimidimi
- Administrata zgjedhore e administripo procesin në mënyrë gjithëpërfshirëse dhe transparente.
- Votimi nga jashtë vendit i përdorur përherë të parë në këto zgjedhje u menaxhua mirë, pavarësisht marëveshjes politike arritur me vonesë dhe miratimit me vonesë të kësaj iniciative, dhe disa problemeve organizative
- Partia në pushtet përfitoi nga përdorimi i burimeve administrative, gjatë fushatës, duke krijuar kështu një avantazh të padrejtë për ata në pushtet. Pati gjithashtu disa raste pretendimesh për presione ndaj zgjedhësve, sidomos nëpunësve të administratës publike. Për vec kësaj legjislacioni zgjedhor dhe interpretimi i tij i ngushtë nga administrata zgjedhore, nuk parandaloi abuzimin apo praktikat abuzive.
- Përqendrimi i pronësisë së medias, minoi pluralizmin e burimeve informative dhe krijoi autocensurë mes gazetarëve dhe dy partitë kryesore ishin ato që dominuan mbulimin e lajmeve, duke ua bërë të pamundur zgjedhësve të bënin një zgjedhje të mirë e të mirinformuar
- Pati gjithashtu një mungesë të autoritetit për të monitoruar fushatën zgjedhore onlajn. Mekanizmi iri koordinues mes institucioneve për hetimin e krimeve zgjedhore është një zhvillim që pritet, megjithatë ka nevojë për të pasur një zbatim persistet e të praktikave abuzive
- Dita e zgjedhjeve qe organizuar mirë, megjithatë pati mosrespektim të procedurave dhe ajo u shënua nga disa incidente intimidimi dhe ndikimi tek zgjedhësit, e pati edhe disa probleme me procedurat dhe transparencën”, u shpreh mes të tjerave ajo.
