Në Asamblenë e sotme Rama ka shpallur edhe emrat e qeverisë së re, që do të drejtojë vendin këtë sezon të ri politik.
Në vend të Erjon Braçes, pozicionin e zëvendëskryeministrit do ta mbajë Arben Ahmetaj. Ministër i Drejtësisë, në vend të Etilda Gjonajt emërohet Ulsi Manja, Niko Peleshi rikonfirmohet si ministër i Mbrojtes, Blendi Cuçi po ashtu si Ministër i Brendshëm, e edhe Olta Xhacka në krye të Ministrisë së Jashtme.
Do të vijojnë të mbeten ne pozicionet e tyre edhe Belinda Balluku në ministrinë e Infrastrukturës e po ashtu edhe Ogerta Manastirliu në atë të Shëndetësisë.
Ndryshojnë ministrat e Turizmit, në krye të të cilit shkon Mirela Kumbaro, e Bujqësisë në të cilin shkon si ministre Frida Krifca, e po ashtu edhe ajo e Financave, ministre e të cilës do të jetë Delinda Ibrahimaj.
Ministre Arsimi do vijojë të jetë Evis Kushi dhe ministre e Kulturës po Elva Margariti.
Kësaj radhe qeveria Rama 3 do të ketë 4 ministra Shteti:
Elisa Spiropali, ministre e Shtetit për Marrëdhëniet me Parlamentin
Edona Bilali, për Mbrojtjen e Sipërmarrjes
Bora Muzhaqi për Rininë dhe Fëmijët
Milva Ekonomi për standardet dhe shërbimet
